siring si samuyang paghulit, basang sana lamang man an saindong pagtubod.
15 Asin nacacua pa caming magna puticon na magña sacsi nin Dios; huli ta nagpatotoo cami dapit sa Dios na siya iyo an pominabagñon ó bominagñon cay Cristo; na day siya bominagñon sa saiya ó cay Cristo, con sa catotoohan an magña gadana day nabubuhay liuat.
16 Háros ta con an magña gadana day nabubuhay liuat, day man nabuhay liuat si Cristo:
17 Asin con si Cristo day siya nabuhay liuat, an saindong pagtubod basang lamang sana; nasa sa casalan ó namumugtac pa con siring camo sa saindong magña casalan.
18 Con siring man caiyan si magña nagñagpagñatorog dian ó nagcagaradan ó naghirigñaló dian cay Cristo, nagcauarará ó napahamac sinda.
19 Con sa buhay na ini naghahalat sana quita nanggayod dian cay Cristo, quita an orog ca magña macacaherac ó day nin palad sa gabos na magña taho.
20 Alagad gñunian si Cristo nabuhay liuat sa magña gadana; naguing tinagba nin si magña nagňag pangñatorog.
21 Háros ta huling an cagadánon lominaog dahel sa saró catauo, sa saró catauo man an pagcabuhay liuat nin si magña gadana.
22 Háros ta huling dian qui Adan si gabos nagagadan, siring man dian qui Cristo an gabos panbubuhayon.
23 Alagad an lambang saró sa saiyang cabotan ó sa saiyang natalagang camugtacan: Si Cristo an naguing tinagba; dagñan gñapit si magña nasa cay Cristo, sa pagdatong niya.
24 Dagñan gñapit an catapusan; con icadolot na an cahadéan sa Dios asin sa Amá, asin con mahalé na an bilog na casacopan, asin an bilog na cabagsican asin capangyarihan.
25 Háros ta caípuhan na maghadé siya, sagcod na icabugtac an gabos niyang magña caiual sa ibaba nin si saiyang magña bitis.
26 Asin an huring caiual na maroronot, iyo an cagadanon.
27 Háros ta an gabos na magña bagay sinacop sa ibaba nin si saiyang magña bitis. Asin con an sabi: An gabos na
