na hauac, condi an agom na lalaqui: asin siring man sana minsan man an agom na lalaqui day nin capangyarihan can saiyang sadiring hauac, condi an agom na babae.
5 Day camo magpalapas-lapas sa saindo man sana, sa bale sana con sa saindong duang pinagcaolayan, na mag guiguibo camo nin pagpamíbí: asin mabalic camo gñapit na magsaró sa pagsaró, ta gñaning day camo pagsugutan ni Satanás dahel can day nindo pacapagtagal.
6 Alagad ini sinasabi co huli sa pagtogot, bacong sa pagboot.
7 Minamarhay co pang gayo na an gabos na magña tauo maguing siring sa sacuyá: alagad an lambang saró igua nin rogaring niyang balaog nin Dios; an saró sa catotoohan siring, asin an saró siring man.
8 Sinasabi co nangayod sa magña daing agom na lalaqui (solteros) asin sa magña balong babae, na marhay sa sainda na maguin siring sa sacuyá.
9 Asin con baga mayó nin balaog sa pacatíos, pomacasal ó omagom na; ta marhay an omagom sa masoló,
10 Alagad itong magña nagsasaró sa pagcaagom ninda, ipinapatanid co, na bacong aco, condi an Cagurangnan: Na an agom na babae day bumulag sa agom niyang lalaquí;
11 Asin con baga bomolag, day siya macapaagom, ó maquioli siya sa agom niyang lalaqui; asin na an agom na lalaqui day ipagsobol an saiyang agom ó day pagpahaléon.
12 Asin sa magña iba nagsasabi aco, bacong an Cagurangnan: Con an sarong tugang may agom siyang daing pagtubod ó pagotob, asin ining babaeng ini minahonod na maquisomarú sa agom na lalaqui, day pagpahaléon iyan.
13 Asin an babae na may agom na daing pagtabod, asin ining agom na ini minahonod na maquisomaró sa saiya, day pagpabayaan iyan.
14 Huli ta an agom na lalaqui na mayó nin pagtubod napapacangbanal dian sa agom na babae, asin an agom na babae na daing pagtubod napapacang banal man dian sa agom na lalaqui: ta con day, an saindong magña áqui maguiguing magna maramog; alagad gñunian anan na magña banal.
15 Alagad con an day mayó nin pagtubod bumulag, bumu-
