6 Aco an nagtanom, si Apolo si nagbaribi: alagad an Dios iyong nagtao nin pagtalobó.
7 Cayá na, minsan si nagtanom bacong tibaad na, minsan si nagbaribi; condi an Dios, na nagtao nin pagtalobó.
8 Asin an nagtanom patin an nagbaribí ó nagriri anan sindang saró sanang bagay; minsan siring na an lambang saró magcacamit can balos nin saindang capagalan ó guibo.
9 Háros ta cami anan na magña cabintang nin Dios; asin camo iyo an guinibohan ó capagalan nin Dios, camo an harong na tinogdoc nin Dios.
10 Siring sa socol nin biyaya na itinao sa sacuyá nin Dios, aco siring sa madonong na panday ibinugtaco si sisicaran ó sasarigan, asin sí saró an nagtogdoc sa ibabao: alagad an lambang saró maghiling con paáno an pagtogdoc sa ibabao.
11 Háros ta day nin siysay man na macacabugtac nin ibang sisicaran, sa ibinugtac na, na iyan iyo si Jesucristo.
12 Asin con may saró na magtotogdoc sa ibabao can sisicaran na ini nin bulauan, pirac, magña gapong mahalaga, cahoy, paroy, dagami;
13 An guibo nin lambang saró ipapahayag huli ta an aldao ipapahayag iyan; háros ta huli can calayo mahahayag; asin an guibo nin lambang saró minsan ano, pagbabaloón.
14 Con magdanay an guibo nin saró na nagtogdoc sa ibabao, magcacamit nin balos.
15 Con an guibo nin saró matotong, mapapará ó mauauará: alagad siya minsan siring macacaligtas, asin siring man sana sa nagaguí sa calayo.
16 Day camo nacacaaram na camo iyo an Simbahan nin Dios, asin na an Espíritu nin Dios nageéroc dian sa saindo?
17 Con an saró gabaon an Simbahan nin Dios, an Dios lalaglagon man siya: háros ta an Simbahan nin Dios, na iyan iyo camo, may camahalan.
18 Day nin siysay man na mag dayá sa saiya man sana: con an saró baga dian sa saindo may pagcadonong sa panahon na ini, magpacang-cablas siya, gnaning maguing madonong.
19 Huli ta an cadonogñan sa quinában na ini iyo an caca-
