day aco napadian sa cahalangcauan nin pagtataram patin sa cadonogñan sa pagbaretá sa saindo can pagpatotoo ni Cristo.
2 Háros ta day aco nagpahayag na tatao nin cadiquit ó tibaad na qui sa saindo, condi sa dapit qui Jesucristo, asin dapit caini na pinadupa sa Crúz.
3 Asin napadian aco sa saindo sa caluyahan, asin labing pagcatacot patin pagtaquig;
4 Asin minsan si sacuyang tataramon, minsan pa si sacuyang paghulit day naguing sa magña tataramon na macacasadol nin cadonogñan nin tauo, condi sa capahayagan nin Espíritu asin nin capangyarihan;
5 Tagñaning an saindong pagtubod day gomican sa cadonogňan nin magña tauo, condi sa capangyarihan nin Dios.
6 Alagad nagtataram cami nin cadonogñan dian sa magña sangcap nin pacanood; asin cadonogñan na bacong sa panahon na ini, bacó man na sa magña pinopoon ó principes can panahon na ini, na nalalaglag:
7 Condi nagtataram cami cadonogñan nin Dios sa misterio ó gñagñalasan, an cadonogñan na natatagó, na iyan itinalaga nin Dios can enot, sa satuyang camurauayan:
8 Itong day namidbid nin siysay paman nin si magña príncipes caining panahon na ini; háros ta con nagcamiridbid iyan ninda, day sagcod gayod pinadupa ninda sa Cruz an Cagurangnan nin Camurauayan:
9 Condi, siring sa nasusurat: Si magña bagay na day nin matá nahiling, day nadagñog nin taligña, day man pominasabong sa pusó nin tauo, iyo an magna inandam nin Dios manogħod caitong magña namomlot sa saiya.
10 Alagad an Dios isinaysay sa satuya iyan sa cabagsican nin Espíritu huli ta an Espíritu an gabos nacacauguid caiyan, minsan pa an cahararoman nin Dios.
11 Háros ta, ¿siysay dao sa magña tano nacacaaram can magña bagay nin tauo, condi an espíritu nin tauo na yaon dian sa saiya? Siring man sana day mayó nin nacamidbid can magña bagay nin Dios, condi an Espíritu nin Dios.
12 Asin quita nagñag camit ó nagacó, bacong an espíritu
