Tauan nindo nin galang an magña taga dian sa harong ni Narciso, si magña didian sa Cagurangnan.
12 Tauan nindo nin galang si Trifena asin si Trifosa, na sinda nagñag papagal sa gñaran nin Cagurangnan. Tauan nindo nin galang si Pérsida na namomotan, na siya nagpagal nin macuri dian sa Cagurangnan.
13 Tauan nindo nin galang si Rufo, píníli siya dian sa Cagurangnan, asin an iná niya asin sacuyá man.
14 Tauan nindo nin galang si Asíncrito, asin si Flegonte, si Hermas, si Patrobas, si Hermes, patin an magña tugang na yaon sa sainda.
15 Tauan nindo nin galang si Filólogo asin si Julia, si Nereo, asin an saiyang tugang na babae, asin si Olimpas, asin an gabos na magña santos ó banal na yaon sa caibahan ninda.
16 Magpagaralang-galang camo camo man sana sa paghadoc na banal. Tinatauan camo nin galang can gabos na magña Iglesias ni Cristo.
17 Asin naquiquimaherac aco sa saindo, magña tugang, na hiligñon nindo an magña nacacaonong ó naguiguing dahelan nin magña cariribucan asin pagpaárac tumang sa pagtocdó na nanódan nindo; asin na bumulag camo ó sumuhay camo sa sainda.
18 Háros ta an magña siring day naglilingcod sa Cagurangnan niatong Jesucristo, condi sa saindang magña tulac ó guinhaua; asin nagdadayá can magña managomon na tataramon asin magña pagomao sa magña pusó nin magña daing pacanood.
19 Huli ta an saindong pagsonod nacabalagñibog na sa gabos; Cayá na nagoogma aco sa saindo; alagad boot co pa na magpacadonong camo sa carahayan, asin magña culapus dian sa carátan.
20 Asin an Dios nin catoninogñan sa madalé roronoton si Satanás sa irarom nin saindong magña bitís. An biyaya nin Cagurangnan tang Jesucristo mapasaindo logod gabos.
21 Tinatauan camo nin galang ni Timoteo, na catabang co, asin ni Lucio asin ni Jasón patin ni Sosipater, na sacuyang magña cadurugó.
