20 Sa bagay na ini nagpirit aco na maghulit can Evangelio, bacong duman sa caidto na nasabi na si Cristo, sa day pagtogdoc sa ibabao nin sa ibang capinónan ó pasicaran :
21 Condi, siring sa nasusurat: si magña day nabaretaan dapit saiya, macacaquita sinda; asin si magña day nagpacadagñod, magpapacasabot.
22 Nin huli caiyan napopogolan pa aco sa guiraray sa pacapadian sa saindo.
23 Alagad gñunian na day na nin panahon sa magña dagang ini, asin na nagmamauot acong macaabot sa saindo haloy ó balaquid nang magña taon na ominagui,
24 Sa paglacao co pasiring sa España, madian aco sa saindo; háros tá linalaom co na sa pagagui co mahihiling co camo, asin na dadarahon aco paghalé sa saindo pasiring dumán, con baga sa calé sa enot macapagogma aco sa saindo.
25 Alagad gñunian malacao aco pasiring sa Jerusalem sa paguáras sa magña banal ó santos.
26 Huli ta an Macedonia asin an Acaya pinagmarhay nindang gomibo nin sarong arambagan manogñod sa magña dukhá sa magña banal na duduman sa Jerusalem.
27 Huli ta pinaghoná ninda na marbay, asin magña may utang sa sainda háros ta con an magña Gentiles naguinibong magña maquiquinabang sinda can saindang magña carahayan dapit sa calag, maninigó man sindang maglingcod sa sainda sa magña dapit sa laman ó hauac.
28 Siring na con matapus cona ini asin icapanogñod ó icapadara cona sa sainda an paquinabang na ini, maagui acodian sa saindo pasiring sa España,
29 Asin naaaraman co na con macadatong aco dian sa saindo, madatong aco panó nin caomauan can Evangelio ni Cristo.
30 Alagad naquiquimaherac aco sa saindo, magna tugang, huli qui Jesucristo Cagurangnan ta, asin huli sa pagcaherac can Espiritu, na tabagñan aco nindo nin magña pamíbí huli sa sacuyá sa Dios.
31 Na macaligtas aco sa magña masumbical na nasa Judea, sain na an dolot nin sacuyang paglingcod sa magña santos ó banal sa Jerusalem na acoon;
