caitong magña nagguiguibo nin marhay, condi itong mararaot. ¿Cayá boot ca na day matacot sa capangyarihan? guiboha itong marhay, asin may pagomao ca sa saiya;
4 Háros ta iyong pinaniualaan ó may catongdan nin Dios sa carahayan mo. Alagad con guiniguibo mo ó magguiguibo ca caitong maraot, matacot ca: háros ta bacong basang sana dinadara an cuchillo; huli ta may catongdan nin Dios, na parasigñil sa pagsilot sa nagguiguibo caitong maraot.
5 Nin huli caiyan maninigó na cunuyog camo sa saiya, bacó sanang huli sa caangotan, condi man orogpa huli sa paghoná.
6 Háros ta huli caiyan nagbabayad camo nin "magña buhis"; huli ta magña pinaniualaan nín Dios na naglilingcod caiyan man sana,
7 Magñagbayad camo sa gabos caitong pinagcacautang nindo: sa itong sa buhis, buhis an ibayad saiya; sa itong sa pusó ó daghan, daghan man; sa caitong sa catacutan, pagcatacot; sa caito na cagalagñan, gomalang.
8 Day camo nagcautang sa quiysay paman nin anoman, condi magcamoroot mootan camo; háros ta an namomoot sa magcasi-tauo, nacaotob siya can togon.
9 Huli ta: Day ca magsambay sa agom nin magcasi mo tauo; haré ca cabobonó; haré ca cahahábon; day ca magtogod-togod asin day ca man pamumutic; day ca maárá; asin con igua nin íbang togon sa casaysayan na íní, na sasacop gabos: Camotan mo an magcasí mo tano nin siring sa saymo man sana.
10 An pagcaherac day nacacaguínibo nín maraot sa magcasi tauo: cayá gñaní na, an pagotob can togon iyo an pagcaherac.
11 Asin iní, sa pagmidbid can panahon na talagána na magbagñon quita sa pagcananoc; háros ta gñunian bacó nang harani an satuyang buhay ó icarahay can quita caito caso nagtubod pa.
12 An cabanguihon nacaáguí na, asin dominatong na si aldao, cayá sucat nangayod na isicual ó itapoc niato an magña guibo nin magña cadicloman, asin gubigñon niato an magña calasag nin caliuanagan ó ilao.
