CAPÍTULO XII.
1 Con cayá, magña tugang, naquiquimaherac aco sa saindo huli can magña pagcaherac nin Dios, na ipahayag nindo an saindong magña hauac sa buhay na pagatang, santo, macacasonó sa Dios, na iyo an saindong matanos na pagsamba.
2 Asin na day camo magoyon sa panahon na ini: condi na omoyon camo huli can pagcabago can saindong paghonáhoná gñaning magpacamaté camo con arín an marhay na boot nin Dios, macacasondó asin bulahos.
3 Cayá sinasabi co nangayod huli can biyayá na itinao sa sacuyá, sa lambang saró ó arin man sa saindo, na day magisip nin halangcao na honá sa saiya man sana sa maninigó, condi na magisip sa saiya man sana sa camayocodan, siring sa socol can pagtubod na iuinaras nin Dios sa lambang saró.
4 Háros ta siring baga na sa sarong hauac igua quita nin dacol na magña cabtang, alagad an gabos na magña cabtang na iyan bacong saró sana an pagheró condi man laen-laen;
5 Cayá, quitang dacol anan na sarong hauac dian cay Cristo, alagad an gabos anan-na magña cabtang an magña iba nin magña iba man sana.
6 Malá tá, igua nin magña manlaen-laen na magña balaog siring sa biyaya na iuinaras sa satuya, con an sa pagroquiao, gomibo nin agñay sa socol nin pagtubod;
7 O con sa catongdan, sa paglingcod; ó an magtotocdó, sa pagtocdó ó paáguí;
8 Si magsasadol, sa pagsadol; si magbabagña, guibohon iyan sa cababáan; si mamámayo, sa casoripotan; an magguiguibo nin pagcaherac, sa camurauayan.
9 An pag camoot iyo an bacong sa pagsaguinsaguin: na mabaldían itong maraot, pomaharani camo sa marhay;
10 Magcamoroot-mootan camo man sana sa pagcamoot na sa magturugang; magñagandam camo sa cagalagñan sa saindo man sana na magña cápua;
11 Sa pagbigñat ó pagñataman bacong magna hogacon; magña malalaad sa espíritu; na maglingcod sa Cagurangnan;
