magña gadana, day na magagadan: an cagadanan day na maghahacbao ó mangyayari sagcod lamang sa saiya.
10 Huli ta si pagcadana, sa macasaró nagadan sa casálan; alagad an pagcabuhay, mabubuhay sa Dios.
11 Siring man camo, maghonáhoná camo na sa catotoohan anan na magña gadana camo sa casalan, alagad magña buhay sa Dios dían qui Cristo Jesús na Cagurangnan niato.
12 Day nangayod magdanay, an casálan sa saindong hauac na magagadanon, na pagcuyugon nindo siya sa saiyang magña carigsocan;
13 Day man nindo ipagdolot an saindong magña cabtang nin hauac sa casálan na maguin dahelan ó casangcapan nin carátan; condi na domolot camo sa Dios siring sa magña nabuhay sa magña gadana, asin an saindong magña cabtang nin hauac mapa sa Dios na bilang magña casangcapan nin catanosan.
14 Huli ta an casalan day maghahadé sa saindo; háros ta day camo nasa sa casacopan nín togon, condi nasasacopan nin biyaya.
15 ¿Con caya ano baga? Magcacarasala quita huli ta mayó quita sa nasasacopan nin togon, condi na nasa biyaya? Day nangayod.
16 ¿Day camo nacacatalastas na con quiysay camo naglilingcod man sana na bilang magña oripon sa pagcuyog sa saiya, anan camong magña oripon caito na sa saiya nagsosonod camo, ó sa casálan gñaning magadan, ó sa pagsonod manogñod sa catanosan?
17 Alagad salamat sa Dios, ta minsan nagui camong magña oripon nin casalan, nagñag-cuyog camo nin todoc sa pusó caitong paagui nin pagtocdó na sa saiya nagpandolot camo;
18 Asin pagpacaligtas sa casálan, nagui camong magña oripon nin catanosan.
19 Sinasabi co an bagay na dapit sa tauo huli can caluyahan nin saindong laman ó hauac: na huli ta manogñod sa carátan ipinagdolot nindo si saindong magña cabtang nin hauac sa paglingcod sa carupitan asin sa cararátan, siring man gñunian
