magña magurang, na tinotubod an gabos na magña bagay na
sa casogoan asin sa magña profeta na nagcacasururat;
15 na may inabalat sa Dios na magcacaiguá nin pagcabuhay liuat sa magña gadan, an magña banal, asin bacong banal, asin ini man inahalat ninda.
16 Caya dapit caini, nag-hihigñoa acó na magcaiguá guiraray nin marahay na isip na day nin pagbasol dapit sa Dios asin dapit sa magña tauo.
17 Asin pacalihis nin balauig na panahon, napadigdi acó sa pagdará nin magña limos sa sacong banua asin magña dolot sa Dios;
18 Can macuá acó ninda sa templo malinig (day nin cadaclán, asin day nin caribocan) tará may nagcapirang magña judiong tagá Asia;
19 na sinda maninigô cutânang maquiatubang digdi saimo, asin nagsorombong dapit sa saco, cun igua sindang anóman na ipagsasabing tumang sa sacó.
20 O cun day an magña tauo man sanang ini magsarabi cun anong maraot na guibo co na nácua ninda, can nacatindog acó sa atubang nin concilio,
21 na tibaad dapit can tataramon na ini na isinabi co sa halangcao na tigñog, Dapít sa pagcabuhay liuat nin magña gadan pinagbohocomán acó gñunian nindo.
22 Alagad si Felix, na iguá nin bilog na pacatalastas dapít sa Dalan, binugtacan sinda nin talaan, asin nagsabi, Paghilig can coronel na si Lisias sasayodon co an saindong magña tataramon.
23 Asin sinogo an capitán na bantayan si Pablo; asin gamitan sia nin pagcaherac, asin day pagtoyanon an si-isay man nin saiyang magña catood na paglincodan sia, ó an pagdoloc sa saiya.
24 Alagad pacalihis nin nagcapirang aldao, napadigdi si Felix caibá si Drusila na saiyang agom, na sia judia, asin ipinaapod si Pablo, asin dinagñog sia dapit sa pagtubod qui Cristo Jesús.
25 Asin isinaysay ni Pablo an bagay na dapit sa catanosan, asin sa pagpopogol, asin sa paghocóm na madatong, naticbahan
