nagsarabi, Magña tugang na lalaqui, cun iguá camong tataramon na ipaghuhulit sa banua, magtarán camió.
16 Si Pablo gñani tominindog, asin paca pagpasabot can camót na day magguirong, nagsabi, Magña lalaquing tagá Israel, asin camong magña natatacot sa Dios, maghinaniog camó.
17 An Dios caining banuang Israel pinili an satong magña magurang, asin pinamurauayan an banua, can sinda nang-iibang banua sa daga nin Egipto, asin quinuá sinda dumán nin mamurauayon na camót.
18 Asin sa panahon nin apát a polong taón tiníos nia an saindang magña caugalean sa patag:
19 Asin can malaglag na nia an pitóng nación sa daga nin Canaán, pinagbaragià sainda na panonod an dagà inda: (bagay na ominabot sa haraning apat na gatos may limang polong taón).
20 Asin pacatapus caining magña bagay na ini tinâuán nia sinda nin magña hocóm sagcod can profetang si Samuel.
21 Asin pacatapus nagharagad sinda nin hade; asin itinaó nin Dios sa sainda si Saul, na áqui ni Cis, lalaqui sa guinicanan ni Benjamin sa laog nin apát na polong taón.
22 Asin can haleon nia ini, pinatindog si David ta gñaning mani, hade ninda, na ini sinacsihan man nia, na nagsabi, Nacuá co si David, áqui ni Jessé, lalaquing masinonod sa sacong puso, na guiguibohon nia an bilog na cabótan co.
23 Sa capagaraquian caini, pinabuhat nin Dios sa Israel an sarong Para-ligtás, na iyo, si Jesús;
24 na can day pa sia minadatong, si Juan ipinaghuhulit nang enot an pagboniag sa pagsosol sa bilog na banua in Israel.
25 Asin can maotob na ni Juan an saiyang catongdan, sominabi, Si-isay dao acú sa saindong isip? Baco acó idtong iniisip nindo; tará uya digdi, na madatong an saró sa hudian co, na an saiyang magña shapin sa bitis day acó gñani maninigong naghubad.
26 Magña tugang na lalaqui, magña áqui nin capagaraquian ni Abraham, asin an magña sa saindo na may pagcatacot sa Dios, sa saindo ipinapadará an tataramon nin pacaligtas na ini.
