MAGNA APÓSTOLES 11.375
20 Asin an magña iba sa sainda magña taga Chipre asin tagá Cirene, na can pagralaog sa Antioquia, tinarman man ninda an magña Griego, na ipinaghuhulit an evangelio nin Cagurangnan na si Jesús.
21 Asin nasa sainda an camót nin Cagurangnan: asin an nagturubod, balaquid na cadaclán na nagbaralic an boót sa Cagurangnan.
22 Asin an bareta dapit caining magña bagay dominatong sa magña taligña nin Iglesia na nasa Jerusalem; asin sinogo ninda si Bernabé na padumán sagcod sa Antioquia:
23 na sia, can pagdatong, asin nahiling an biyaya nin Dios, naogmá sia, asin hinolitan an gabos na magdaranay sinda sa bilog na puso sa paquisomaro sa Cagurangnan.
24 huli ta sia lalaquing marahay, asin pano nin Espiritu Santo asin nin pagtubod: asin balaquid na tauo an nacadagdag sa Cagurangnan.
25 Asin napadumán si Bernabé sa Tarso ta maghahanap qui Saulo:
26 asin can macuá sia, hinatod sia sa Antioquia. Asin nangyari sa laóg nin bilog na santaon, naquisomarô sinda sa Iglesia asin tinocdôan ninda balaquidon na tauo; asin an magña discipulo pinónan pagarapodon na magña Cristano sa Antioquia.
27 Can magña aldao na idtó naghirilig sa Antioquia, si magña profeta, na halê sa Jerusalem.
28 Asin nagtindog an sarô sa sainda, na gninagñaranan Agabo, ipinamidbid huli sa Espíritu, na mangyayari an daculang gotom sa bilog na quinában na ene-erocan: na ini nangyari sa panahon ni Claudio César.
29 Asin an magña discipulo nag-garayác, balang sarò igo sa saindang macacayanan, magpadará nin pagbuhay sa magña tugang na nag-oorontoc sa Judea :
30 ini man guinibo ninda, na pinadarhan an magña magu- rang sa magña camót ni Bernabé asin ni Saulo.
