368MAGNA APÓSTOLES 9.
asin naglalacao sa tacot sa Cagurangnan, asin sa caragnahan
nin Espíritu Santo, nadadagdagan.
32 Asin nangyari na can paglacao ni Pedro sa gabos na lugar, linusad man an magña santo na nag-oorontoc sa Lydda.
33 Asin natagboan nia dihan an sarong lalaqui na gñinagñaranan si Eneas, na ualong taon-na sa banig, na lopóg.
34 Asin si Pedro sinabihan sia, Eneas, si Jesu-Cristo pinaomayan ca; tomindog ca, asin tipigon mo an banig mo. Asin tolos man saná tominindog.
35 Asin nahiling sia nin gabos na nag-oorontoc sa Lydda, asin sa Sarona; asin sinda nagbaralic an boót sa Cagurangnan.
36 May sarò man sa Joppe na discipula na gñinagñaranan Tabita gñaran na, cun sabihon sa Griego inaapod na Dorcas: an babayeng ini pano nin magña marahay na guibo, asin nin magña paglinós na guiniguibo.
37 Asin nangyari can magña alo na idtó, na sia naghelang, asin nagadán asin pacatapus paghogasi, ibinugtác sia sa saróng bidang.
38 Asin huli ta an Lydda haraní sa Joppe, an magña discipulo, can madagñog na si Pedro duduman, sinogoan sia ninda nin duá catauo, na naquimaherac saiya, na magsarabi, Day ca mahaloy nin pagdigdi sa samô.
39 Tominindog, gñani, si Pedro, asin ominibá sa sainda: dinará sia ninda sa bidang, asin an gabos na magña bálong babaye nagtiripon sa saiya, na nagtataragñis asin ipinahihiling an magna túnica asin an magia gubing na guiniguibo ni Dorcas can ini nasa sainda pa.
40 Tará si Pedro, pinaluas sinda gabos, lominohod asin namîbî; asin inatubang nia an hauac na sominabi Tabita, tomindog ca. Asin sia binoclát an magña matá; asin can mahiling si Pedro, tominucao sia.
