MAGNA APÓSTOLES 8 & 9.365
39 Asin paghâuas niuda sa tubig, an Espíritu nin Cagurangnan inagao si Felipe: asin an capon day na sia nahiling, asin ta dinagus an saiyang paglacao na naogmá.
40 Alagad si Felipe dominatong sa Azoto; asin sa paglacao, ipinaghuhulit nia an evangelio sa gabos na magña ciudad, sagcod na dominatong sa Cesarea.
1 Alagad si Saulo, na nag-guiguinhaua pa nin magña pagpatacot asin pag-gadan tumang sa magña discipulo nin Cagurangnan, napadumán sa cahorohalang-cao na sacerdote,
2 asin naghagad sa saiya nin magña surat sa Damasco, sa magna sinagoga, ta gñaning cun sia macasabat nin magña lalaqui ó magña babaye na nagsosonod sa pagtubod na ini, madará nia sindang gapos sa Jerusalem.
3 Asin can paglacao nia sa dalan, nangyari na can magdadatong na sa Damasco, napadali sanang pinalibotan sia nin sarong liwanag nin ilao na hale su lagnit:
4 asin, napucan sia sa dagâ, nacadagñog nin sarong tigñog na nagsasabi saiya, Saulo, Saulo tádao ta pinaglalamag mo acó?
5 Asin sia sominabi, Si-isay ca dao Cagurangnan? Asin sia sominimbag, Acó si Jesús na saimong pinaglalamág: matagás na gayo saimo an pagsicad mong tumang sa sogod.
6 Asin sia, pinagtataquigan asin naticbahan, na sominabi, Cagurangnan, anó an boót mong guibohon co? Asin an Cagurangnan nagsabi saiya, Tomindog ca, asin lomaog ca sa ciudad, asin dihan sasabihon saimo an maninigo mong guibohon.
7 Asin si magna tauong caiba ni Saulo sa paglacao, nagorontoc, na day nacapagtarám, na nadadagñog an tigñog, alagad daing nahihiling sinda na si-isay man.
8 Tominindog gñani si Saulo sa dagâ, asin pagcamoclát can saiyang magña matá, day siang nahiling na ano-man: asin quinabit sia sa camót, asin hinatod sia sa Damasco.
