33 Asin sinabihan sia nin Cagurangnan, Halêon mo an magña chapin sa saimong magña bitis; huli ta an lugar na namomogtacan nio, santong daga.
34 Nahiling co, nahiling co an camondoan nin sacong banuaan na nasa Egipto, asin nadagñog co an inagragñay Gñuninda, asin naglusad acó ta gñaning macaligtas sinda. nian gñani, madiá ca, ta sosogoon tacá sa Egipto.
35 Ining Moisés na ini, na saindang isinicual, na nagsarabi, ¿Si-isay sa saimo nagbugtac na poón asin hocom? ini an sinogô nin Dios na mani poón asin para-tubos, huli sa camót nin ángel na tominogñá saiya sa zarza.
36 Ining lalaguing ini an nagcuá sainda, pacaguibo nin magña gñagñalasan asin magña tandâ sa Egipto, asin sa dagat na Mapolá, asin sa patag sa laog nin apat na polong taón.
37 Iyo ini idtong si Moisés, na nagsabi sa magña áqui ni Israel. An Cagurangnan na saindong Dios papabuhaton sa saindo an sarong profeta, guican sa saindong magña tugang, na siring sa caco, sia an dadagñogon nindo.
38 Ini iyo idtong dudumán sa catiriponan sa patag na caibá an ángel na nagsabi saiya sa buquid nin Sinai, asin caibá an satong magña magurang; asin inacô nia an magna tataramon nin buhay, ta gñaning itaó sa satô :
39 na sia day sinonod nin satong magña magurang; condi isinicuál sia ninda, asin an saindang magña pusò nagbaralíc sa Egipto;
40 asin nagaarabi qui Aarón. Iguibo mo cami uin magña dios na mang-enot sa samo; huli ta an Moisés na ini, na nagcuá sa samo sa dagâ nin Egipto, day mi naiisihau cun anó an nangyari sa saiya.
41 Asin dagñan nag-guiribo nin sarong bacang ogbón, asin nagdorolot nin atang sa anito, asin nag-orogmá sa magña guibo nin saindang magña camót.
42 Dagñan bominolag an Dios, asin pinabayaan sinda, ta gñaning magrilincod sinda sa ejército* nin lagnit, siring sa nasusurat sa libro nin magña profeta :
* Ejército, Dacol na magña soldado.
