asin nani áqui ni Isaac si Jacob; asin naní magña áqui ni
Jacob an cagduáng patriarca.
9 Asin si magña patriarca, nagcadarará nin si daculang caorihan, ipinagpabacal si José, ta gñaning darahon sa Egipto: alagad an Dios nasa saiya,
10 asin ilinigtas sia sa gabos niang magña casaquitan, asin tinauan sia nin carahayan asin cadonogñan sa atubang ni Faraón, hadê sa Egipto; na sia guinibong gobernador sa Egipto asin sa bilog na harong nia
11 Dominatong gñani an gotom sa bilog na Egipto asin Canaán, asin daculang casaquitan; asin si satong magña magurang day nacácua nin macacacan.
12 Alagad, can mabaretâ ni Jacob na may trigo sa Egipto, sinogo niang enot an satong magña magurang.
13 Asin sa icaduá, namidbid si José nin si saiyang magña tugang, asin naisihan ni Faraón an capagaraquian ni José.
14 Nin huli caini pinasogoan ni José, na ipinaapod nia an saiyang amang si Jacob, asin an gabos na capagaraquian nia, na pitong polo may limá catauo.
15 Lominusad gñani si Jacob sa Egipto; digdi sia nagadan, asin an satong magña magurang:
16 asin sinda ibinalió sa Siquem, asin sinda ibinugtac sa lolóbgñan na binacal ni Abraham nin pirâc sa magña áqui ni Hamor, sa Siquem.
17 Huli ta naghaharani an panahon can panugâ na ipinanugâ nin Dios qui Abraham, an banua hominibog asin dominacol sa Egipto.
18 sagcod na bominuhat sa Egipto an ibang hadê na day namimidbid si José.
19 An hadeng ini, nag-gamit nin daya sa satong capagaraquian, pinasaquitan an satong magña magurang, ta gñaning iapón ninda an saindang magña áqui, ta gñaning day magdacol an capagaraquian.
20 Sa panahon na ini namondag si Moisés, asin sia magayon na gayo; asin sia inataman nin tolong bulan sa harong nin saiyang amâ:
