discipulo, asin nagsarabi, Bacong matanos na pabayaan ta an
tataramon nin Dios, asin maglincod quitá sa magña lamesa.
3 Maghanap gñani camó, magña tugang, sa saindo, nin pitong lalaqui na magña maninigo paranó nin Espíritu Santo asin nin cadonogñan na satong ibogtac sa guiguibohon na ini.
4 Alagad camí magdadayaday sa pamibi, asin sa pagotob can tataramon.
5 Asin an gayác nacaparagña sa bilog na cadaclán; asin napili ninda si Esteban, tauong pano nin pagtubod asin nin Espíritu Santo, asin si Felipe, asin si Prócoro, asin si Nicanor, asin si Timón, asin si Parmenas, asin si Nicolás na tagá Antioquia na sominonod sa pagtubod:
6 na an magña tauong ini inatubang sa magña apóstol; na sinda pacapamibi, an saindang magña camót ibinugtac sa ibabao ninda.
7 Asin an tataramon nin Dios nagtatalobo; asin an bilang nin magña discipulo nagdadacol na gayo sa Jerusalem; siring man sarong daculang cadaclán nin magña sacerdote nagsosonod sa pagtubod.
8 Asin si Esteban, panò nin biyaya asin nin capangyarihan, nag-guiguibo nin daraculang magña gñagñalasan asin magña macocosog na tanda sa banuaan.
9 Nagburuhat gñani an magña iba sa sinagoga, na inaapod. na sinagoga nin magña libertino, asin nin magña tagú Cirene, asin nin magña tagá Alejandria, asin nin magña tagá Cilicia, asin tagá Asia, naquipagsuhay qui Esteban.
10 Tará day sinda inacacasuhay sa cadonogñan asin sa Espíritu na saiyang ipinagtatarám.
11 Dagñan binayadan ninda an nagcapirá na magsarabi, Nadagñog mi sia nagsabi nin magña tataramon na langhad tumang qui Moises asin tumang sa Dios.
12 Asin riniboc ninda an banua, asin an magña camaguragñan, asin an magña escriba; asin dinacop sia ninda pinagpaaragao asin pinagdarará sia sa concilio;
