20 asin sosogoon si Jesu-Cristo na ibinaretâ-na sa saindo:
21 na ini sa catotoohan quinacaipuhan na an lagñit acoon sia sagcod sa magña panahon nin pagbalic sa cadatihan nin gabos na magña bagay, na isinabi nin Dios sa gñosô nin saiyang magña santong profeta na nagcaburuhay magpoón. sa caenotenoteng panahon.
22 Huli ta si Moisés sinabihan an magña magurang, An Cagurangnan na Dios nindo magpapabuhat sa saindo nin profeta sa saindong magña tugang, siring sa saçô; sa saiya magdadagñog camo can gabos na bagay na sabihon sa saindo.
23 Asin mangyayari na arín man na calag na day magdagñog sa profetang iyan, hahaleon sa banuaan.
24 Asin an gabos na magña profeta magpoón qui Samuel, asin an magña nagsoronod sa saiya, an gabos nagñagtararám, ipinagbaretâ ninda an magña aldao na ini.
25 Camó an magña áqui nin magña profeta, asin nin tipan na guinibo nin Dios sa saindong magña magurang, na sinabi qui Abraham Asin sa saimong banhi an gabos na capagaraquian pag-oomauon sa daga.
26 Sa saindo gñóna, pacabuhaya liuat nin Dios can saiyang Aqui, sinogo sia ta gñaning bendicionan camó, na magñagbacle camó sa saindong magña caratan.
1 Asin can nagtataram sinda sa banua, nagdoroloc sa sainda an magña sacerdote, asin an capitán nin templo, asin an magña Saduceo,
2 na nagcacaarangot can pagtocdo ninda sa banua, asin pagbuyagyag ninda sa gñaran ni Jesús can pagcabuhay liuat sa magña gadan.
3 Asin pinagdaracop si Pedro asin si Juan asin ibinogtac sinda sa bilangoan sagcod sa quinaagaban; huli ta bangui na.
4. Alagad balaquidon si magña nacadagñog can tataramon, nagturubod; asin may magña limang ribo an cabilagñan nin magña lalaqui.
