CAPITULO X.
Nacaaguid sa marahay na pastor.
1 Sa catotoohan, sa catoohan sinasabihan co camó, Na an day minalaog sa tatá nin laoman nin magña carnero, cundi minasacát sa arin man na lugar can laom, an siring mahâbon asin tulisan iyan.
2 Tará an minalaog sa tatá iyó an pastor nin magña carnero.
3 Ini binobucasán sia can para-bantay nin tatá; asin an magña carnero dinadagnog an saiyan tignog: asin inaapod nia an saiyang sadiring magña carnero can gñaran, asin dinádara sinda sa luás.
4 Asin con dinádara sa luás an saiyang sadiring magña carnero, nangñegñenot sia sa sainda, asin an magña carnero nag-sosoronod saiya; huli ta namimidbid an saiyang tigñog:
5 alagad sa day ninda midbid day mag-sosoronod saiya, cundi gñani mag-dodorolag sa saiya: huli ta day ninda namimidbid an tigñog nin magña ibá.
6 Ini an halimbana na sinabi sainda ni Jesús: alagad day nasabotan ninda cun anó idtong pinagsasabi sainda.
7 Si Jesús gñani sinabihan sinda liuát, Sa catotoohan, sa catotoohan sasabihan co camó, Iyo acó an tatá nin magña carnero.
8 Si gabos na magña nag-caerenot sa sacô na nag-dirigdi, iyo si magña mahâbon asin magña tulisan: alagad day sinda hinimatê can magña carnero.
9 Acó iyó an tatá: cun an si-isay man lomaog sa sacô, macacaligtás; asin macacalaog, asin macacaluás, patin macacacuá nin sabsabon.
10 An mahâbon day minadigḍi cundi sa paghâbon, asin sa paggadan, asin sa paglaglag: acó napadigdi ta gñaning magcaiguá nin buhay, asin ta gñaning mag-caigus nin buhay na day macayanan.
11 Acó iyó an marahay na pastor: an marahay na pastor itinátao an saiyang buhay dahel sa magña carnero.
