3 Si Jesús sinimbag sinda: Day ini nag-casalâ, ni an saiyang magña magurang; condi nangyari ini ta gñaning an magña guibo nin Dios mapahayag sa saiya.
4 Caipuhan na guibohon co an magña guibo caidtong nagsogó sa sacó, na may aldao pa : madatong an bangui na si-isay man day na nin macaguibo.
5 Dagñan na nasa quinában pa acó, acó an ilao nin quinában.
6 Paca-sabi caini, luminutab sa daga, guinibong labuy si lutab, asin linahidan can labuy si ibabao can magña matá nín botá,
7 asin sinabihan sia: Lomacaó ca, mag-hugas ca sa tanque nin Siloé, (na cun tatalastason, boót sabihon: Sinogó). Napadumán gñani, asin mang-hugas, asin nag-balíc nacacahiling na.
8 Cayá gñani si magña caharaning harong asin si magña enot na nacabiling saiya, asin nacacaisi na maquilimos, nagsarabi, Bacong iyó ini idtong nacatucao asin naquiquilimos?
9 An magña iba nag-sarabi, Iyó ini: an magña ibá nagsarabi man Bacô, cundi nacacaomaguid sia. Siá alagad nagsabi, Iyo acó.
10 Asin nag-sarabi gñani saiya, Tará nápaânó an pagcabuclat can saimong magña matá?
11 Nag-simbag sia asin sinabihan sinda: Idtong lalaqui na güinagñaranan si Jesús gominibo nin labuy, asin linahidan an sacong magña mata, asin sinabihan acó, Padumán ca sa tanque nin Siloé, asin mag-hugas ca: napadumán gñani acó, asin nanghugas acó, asin nacahiling na acó,
12 Sinda gñani nag-sarabi saiya, ¿Saén sia dudumán? Nag- sabi sainda, Indá.
13 Dinará ninda sa magña Fariseo an tauo na can enot nani botá.
14 Asin sa aldao niu pag-higñalo si pag-guibo ni Jesús can labay, asin can mabucasan sia can magña inatá.
15 An magna Fariseo gñani nag-harapot saiya liuat cun napanó an pagcaácô nia can pacahiling. Asin sia sinabihan sinde, Binugtacan nin labuy an ibabao nin sacong magña matá, asin nanghugas acó, asin nacacahiling na acó.
