11 Napadigdi sa saiyang magña sadiri; asin an magña dating sadiri nia day sia pinagaraco ó namidbiran.
12 Tara si gabos na magña nagaraco saiya, tinauan nia sinda nin capangyarihan na maguing magña aqui nin Dios si magña minatubod sa saiyang gñaran
13 na sinda inaqui, bacong sa dugo, bacong sa boot nin laman, bacong sa boot nin tauo, cundi sa Dios.
14 Asin an Verbo nani laman, asin nag-eroc sa sato (asin nahiling ta an saiyang camurauayan, camurauayan na siring sa Bogtong na aqui nin Ama), pano nin biyaya asin nin catotoohan.
15 Si Juan nagpatotoo dapit sa saiya, asin nagcurahao, na sominabi, Ini iyo idtong isinabi co, An mapadigdi na nasa hudian co, sia nangnegnenot sa saco huli ta sia naenot pa saco.
16 Asin sa saiyang capanoan naquiquinabang quita gabos, asin an biyaya dahel sa biyaya.
17 Huli ta dahel qui Moises itinao an togon alagad an biyaya asin an catotoohan dahel qui Jesu-Cristo naguinibo.
18 Si-isay man day nacahiling casoarin man sa Dios: an Aquing Bogtong, na nasa boot nin Ama, sia man sana an nag; pamidbid sa sato.
19 Asin ini iyo an pagpatotoo ni Juan, nin si an magna Judio pinagsorogo saiya halo sa Jerusalem an magña sacerdote asin magña Levita, sa pagharapot saiya: ¿Si-isay ica? 20 Asin tominoga, asin day sia nagpainda, condi tominoga, na nagsabi: Baco aco an Cristo.
21 Asin nagharapot saiya, ¿Si-isay ica gnani? ¿Iyo ica si Elias? Asin nagsabi, Baco aco. ¿Iyo ica an profeta? Asin sominimbag: Baco.
22 Nagsarabi gnani sinda sa saiya, ¿Si-isay ca? isabi mo sa samo, ta gñaning magtao cami nin simbag sa magña nagsorogo samo. ¿Anong isasabi mo dapit sa saimo?
23 Aco, nagsabi sia, iyo an tigñog nin nagcucurahao sa patag: ¿Andamon nindo an dalan nin Cagurangnan, siring sa isinabi can profeta Isaias.
