5 Tará huli ta nagcataracut sinda asin ípinandocô sa daga si saindang magña lalaugon, sinabihan sinda: ¿Tâno ta hinahanap nindo dian sa magña gadana itong buhay?
6 Day mayò digdi na, ta nabuhay liuat: guiromdoma nindo itong itinaram sa saindo, can duduman pa sa Galilea.
7 Na an olay: Caipuban na an áqui nin tauo iatang sa magña camot nin magña tauong para-casala, asin na padupahon sia sa crúz, patin mabuhay liuat sa ica-tolong aldao.
8 Dagñan sinda nagpaca-guiromdom can saiyang tatara- mon.
9 Asin can pagpulî na ninda paghalè sa lolobgñan, nagbara- retâ can gabos na magña bagay na ini sa cagsarong discípulos, asin sa gabos na magña iba pa.
10 Asin sinda iyo si Maria Magdalena, asin si Juana, patin si María na ina ni Jacobo, asin si magña iba pang babaeng cairiba ninda, an magña nag-saraysay can magña bagay na ini sa magña apóstoles.
11 Asin sinda nagñag-luba na baga sarong carugñauan si magña tataramon ninda, asin day ninda iyan tinorobodan.
12 Alagad can pagca-bubat ni Pedro, nagdalagan pasiring sa linobgñan; asin can mahiling sa laog, naquita nia si magña yamit na saná napapadaplà; asin nag-balic sia, napapagñalas dapit caidtong nangyari.
13 Asin uya digdi, si dua sa sainda nag-papasiring can aldao man sanang iyan sa sarong nayón ó caomahan na may anom na polong estadio (leguas) caharayó sa Jerusalem, na an gñaran Emmaís.
14 Asin nag-oolay-olay sinda dapit caitong gabos na magña bagay na nangyari.
15 Asin nangyari na can nag-lalacao sinda na nag-oolay- olay, asin nagpapahapot-hapot sindang dua, si Jesús man sana diminoloc, asin nag-lalacao sa caibahan ninda.
16 Alagad si saindang magña matá nagcacataracpan, gñaning day sia ninda magca-miridbid.
