1 Tará nin si nagcacalagcalag, nahiling si magña mayaman na nag-buburugtac nin si saindang magña atang sa cajon na bugtacan nin magña limos.
2 Asin naca-hiling nin sarong babaeng bálo na daing Bucat nagbubugtac dian nin duang marabilis.
3 Asin nagsabi: Sa catotoohan sinasabi co sa saindo, na ining bálong dukhang ini nagbugtac sia nin labi sa gabos;
4 Huli ta ining gabos na magña ini, itong nacalabi-na sa sainda, iyo an ibinugtac na magña atang sa Dios; alagad ini sa saiyang cadayhan ibinugtac si gabos niang cacanon nin buhay.
5 Asin sa nagcapira na nagsasarabi dapit can simbahan, na nasasamnohan nin magña magagayon na gapô asin magña baláog nagsabi sia,
6 An magña bagay na ini na naquiquita nindo, madatong an aldao na daing matatada na gapò sa ibabao nin gapô na day gagabâon.
7 Asin nagorosisa sinda sa saiya, na an magña olay Maestro, no arin mangyari ini? ¿asin ano an sucat manini tindâan con ining magña bagay magpôona na mangyayari?
8 Dagñan sia nagsabi: Pagbigñat camo, na day camo madayaan; háros ta madatong an dacol sa gñaran co, na magsasabi Aco iyo; Asin, An panahon harani na: Cayâ, day camo magsonod sa sainda.
9 Minsan macadagñog camo nin magña pagralaban asin magna pagririboc, day camo macubhanan; háros ta caipuhan na an imagña bagay na ini mangyari gñônang enot: alagad gñapit bacong iyo an catapusan.
10 Caya sinabihan nia sinda: Manunumang an catauohan tumang sa cápua tauo, asin an cahadêan tumang sa cahadêan;
11 Asin mangyayari an magñirhat na magña linog, asin sa magña manláen-láen na magña lugares an magña gotom asin magna damat; asin magcaca-igua nin magña caguilantasan asin daraculang magña tindâan nin lagñit.
