tinâuan sinda nin sampolong mina,* asin sinabihan nia sinda:
maghanap camo nin pagca-buhay na day pa aco mina-abot.
14 Alagad si magña tagá banuâan quinacaugñisan sia, asin nagñag-sobol can pagtalicod nia nin sarong sogò, na an magña olay: Habo cami na ini maghadê sa samuya.
15 Asin nangyari, na pagpuli nia, paca-acóa can cahadean, nagbóot na ipaapod sa atubang nia itong magña oripon na tinâuan nia can pirac, sa pag-isi can hinanapan nin lambang saro.
16 Asin ominabot an ná-enot, na an olay: Cagurangnan, si saymong mina nagtobô nin sampolong mina.
17 Asin sinabi nia sa saiya: Marahay, marahay na oripon; tará ta sa cadiquit naca-pagigñat ca, magcaca-igua ca nin capangyarihan sa magña sampolong ciudades.
18 Asin diminatong si saro, na an olay: Cagurangnan, si saymong mina, timinobô nin limang minas.
19 Asin ini man sinabihan nia: Yea man magcaca-igua sa limang ciudades.
20 Asin dominatong si sarô, na an olay: Cagurangnan, uya digdi si saymong mina, na tinongcosan co sa sarong podong na sadit :
21 Huli ta natacot aco sa saymo, ta ica tauong macuri; quinucúa mo itong day mo ibinugtac, asin inaáni mo itong day mo itinanom.
22 Dagñan sinabihan nia sia: Maráot cang oripon, sa saymong gñoso nahohocman taca. Nacaca-aram ca na aco macuri, ta quinúcúa co itong day co ibinugtac, asin na inaání co itong day co itinanom ;
23 ¿Tâ ano dao, con siring, ta day mo itináo si pirac co sa banco, asin aco con domatong bahanapon co yan sagcod can tobo ?
24 Asin nagsabi sa magña duduman: Halêe nindo sia can mina, asin tâuan nindo iyan sa may sampolong mina,
25 Asin nagsarabi sa saiya: Cagurangnan, iguang sampolong minas.
- Labi sa tolong polong pisos an sarong mina.
