SAN MATEO 5.11
16 Siring man lominanag an saindong ilao sa atubang nin magua tauo; ta gñaning mahiling ninda an saindong magña marahay na guibo, asin pamurauayon ninda an saindong Amá na nasa lagñit.
17 Day camó magirisip na acó napadigdi tagñaning malinat an togon ó an magña profeta: day acó napadigdi sa paglinat cundi sa pagotob.
18 Huli ta sa catotoohan isasabi co sa saindo, na sagcod na matunao an lagñit asin an daga, ni an sarong jota, ni an sarong gubit day mapapara sa togon, sagood na an gabos na bagay maotob.
19 Con siring an siysay man na lomapas can sarò caining magña togon na sadagñoton, asin magtocdô nin siring sa magña tauo, sadagñoton na aapodon sa cahadêan nin calagñitan: alagad an siysay man na gomibo asin magtotoedò, ini an áapodon na daculâ sa cahadéan nin calagñitan.
20 Caya sinasabihan co camo, na con an saindong catanosan day omorog ca daculâ sa catanosan nin magña escribas asin nin magna fariseos, day camo macacalaog sa cahadêan nin calagñitan.
21 Nagcadaragñog nindo na isinabi sa magña tauo na naenot: Day ca maggadan; asin idtong maggadan, hohocoman sia:
22 Alagad sinasabi co sa saindo, na an siysay man na maangot sa carugñauan sa saiyang tugang, sasalâon sia sa paghocom; asin an siysay man na somabi sa saiyang tugang, na Rugñao, sasalion sia nin cahatolan; asin siysay man na tomaram, Mangmang, sisilotan sia sa infierno nin calayo.
23 Caya gñani cun dadarahon mo an saimong atang sa altar, asin diban maromdoman mo na an saimong tugang iguá nin anoman na tumang saimo;
24 bayaan mo dihan an atang mo sa atubang nin altar, asin paduman ca; maquipagoli ca gñóna sa saimong tugang asin dagñan padigdi ca, na idolot mo an saimong atang.
