186
42 O paano an pacasabi mo sa saymong tugang: Tugang, pabayãe, papaluason co an ohot na yaon sa matá mo, con ica day mo gñani nahihiling an pasaguing batigñal na yaon sa matá mo? Masaguinsaguin ca, iluas mo gñôna sa matá mo an pasaguî, asin dagñan ca macacahiling nin marhay sa pacacúa can ohot na yaon sa matá nin saymong tugang.
43 Háros ta bacong marhay na cahoy an nátao nin magña maraot na bugña; asin bacong maraot man na cahoy itong mínátao ni marahay na bugña.
44 Háros ta an lambang cahoy namimídbid huli sa saiyang bugña na day macúcua an higos ó day magogonò an higos sa magña marorogui, asin day maaani an uvas sa magña quilitis.
45 An marhay na tauo dían sa narahay na cayamanan nin saiyang puso nacacacúa nin carahayan; asin an maraot na tauo sa maraot na cayamanan nin saiyang puso nacacacúa man nin carâtan; háros ta dian sa caiguahon nin pusò nagtataram an saiyang gñosó.
46 Tá dáo ta inaapod aco nindong, Cagurangnan, Cagu- rangnan, asin day nindo guiniguibo an sinasabi co?
47 Gabos ito na minadoloc sa sacuyâ, asin naghihinañiog can magña tataramon co, asin guiniguibo iyan, itotócdo co sa saindo con siysay an naaaguidan niya:
48 Cabaing siya can tauo na nagtotogdoc nin sarong harong, na iquinalot, asin hinararom niya, asin ibinugtac niya si pasi- caran caidto sa ibabao nin sarong gapong matatagas; asin can pagdatong nin si sarong baha, si salog biminolanog nín macosog duman sa harong na ito, alagad day sucat natañiog ito: huli ta pinasicad sa ibabao nin matagason ó lâguit na gapô.
49 Alagad an nacahinañiog, asin day gominibo, nacabaing siya can tauo na itinogdoc si saiyang harong sa ibabao nin daga, day mayo nin pinasicaran; na dían si salog biminolanog nín macosog, asin dagñan natumba; asin nangyaring daculâ si pagcalaglag can harong na idto.
