- 165
59 Asín nangyari, na nin sí ícaualong aldao nagpandaratong sa pagpaturi can omboy; asin pinagaapod siya can gñaran niñ si saiyang Ama na, si Zacarías.
60 Asin can siminimbag si saiyang Ina, nagsabi: Day; condi Juan gñagñaranan siya.
61 Asin pinag sarabihan siya: ¿Tádao? day mayo sa capagaraquían mo na pinag-gñagñaranan can gñaran na íni.
62 Asin nagtararam sa pasabot sana sa saiyang Amâ, con ano an boot niyang ignaran caiyan.
63 Asin can paghagad nin sadit na tabla, siminurat, na an sabi: Juan iyo an gñaran niya caiyan. Asin si gabos nagñaggñaralas.
64 Asin dagñan na bucá si saiyang gñosó asin sí saiyang dila, asin nagtaram na nagoomao sa Dios.
65 Asin naguing sarong catacutan sa gabos na magña cataraid ninda; asin sa gabos na magña caboboldan nin Judea anan na nagpaca-balagñibog ining magña bagay na ini.
66 Asin si gabos na nagpapacadagñog rinirimpos ninda iyan sa saindang puso, na an imagña sabi: Siysay dao baga ining omboy na ini? Asin an camot nin Cagurangnan duduman sa saiya.
67 Asin si Zacarías na saiyang Ama napano can Espíritu Santo, asin tinodan, na au sabi:
68 Pagomauon an Cagurangnan na Dios sa Israel, ta sininongco ó dominalao asin guinibo an pagtubos sa saiyang banuaan.
69 Asin pinatindog sa satuya an sarong sugñay nin pacaligtas dían sa harong ni David na oripon niya,
70 Siring sa pagcataram niya sa gñosó nin si saiyang magña Santos prefetas na nangyari caidto mag poon sa capinônan :
71 An caligtasan sa satuyang magña caiual, asin sa camot nin si gabos na nagcabaraldí sa satuya;
72 Sa pacaguibo niya nin pagcaberac sa satuyang magña cagánác, asin sa pag-guiromdom niya can saiyang mahal na panugâ 6 tipan;
73 Dapit can sumpa na isinumpâ cay Abraham na satuyang Ama, na itatao sa satuya,
