1 Asin duang aldao pacatapus iyo si capiestahan nin pascua asin nin magna tinapay na daing levadura: asin an magña poón nin magña sacerdote asin an magña escriba naghahara- nap cun papânon, tagñaning madacop sia sa dayâ, asin icapa- gadan sia:
2 Huli ta nagsarabi, Na bacong sa capiestahan, tibaad con magribóc an banua.
3 Asin can dudumán sia sa Bethania, sa harong ni Simón na daoton, na nagtutucao pa sa pagcacan, nagdatong an sarong babaye, na iguá nin sarong botella na alabastro, na pano nin ungüentong nardo na daculà an hálaga; asin pinasá an botella asin ibinóbó idtó sa ibabao nin saiyang payó.
4 Alagad iguá nin magña iba na nagcaarangot sa sainda man saná, na nagsasarabi, Sa anong catuyuhan ta guinibo an maraot na paggamit can ungüento?
5 Huli ta ining ungüento nangyayari cutána na icapag- pabacal nin labing tolong gatos na denario* asin iquinataó cutâna sa magña duc-hâ. Asin nagmuruda tumang sa babaye.
6 Alagad si Jesús nagsabi, Pabayaan nindo sia; ¿tádao ta inoolang nindo sia? marahay na guibo an guinibo nia sa sacô.
7 Huli ta dayaday nasa saindo an magña duchâ, asin cun boót nindo maguiguibohan nindo sinda nin carahayan: alagad ta acó day magdadayaday sa saindo,
8 Guinibo nia an saiyang macacayanan: nagñenot sia sa paglabid can lauas co sa paglobong.
9 Sa catotoohan sinasabi co sa saindo, Na saen man ipag- bulit an evangelio sa bilog na quinában, ibibilang man an guinibo caining babaye, sa pagguiromdom sa saiya.
- May sarong gotos na pisos.
