- 125
4 Asin an saiyang magña discipulo nagsirimbag saiya, ¿Saen dao digdi sa sarong patag mangyari na macácua nin maca pagpabasog caining magña tano, na tinapay?
5 Asin pighapot sinda, ¿Pirá an tinapay nindo? asin nagsarabi, Pitó.
6 Asin pigbôtan an cadaclán na magturocao sa ibabao can daga asin pacacuâa can pitong tinapay, asin paca pasalamat, pigbaragña, asin itinaó sa saiyang magña discipulo, ta gñaning ipamugtac ninda sa atubang; asin sinda ipinagburugtac sa atubang nin banuáan ó magña tauo.
7 Iguá man sindang cadiquit na magña saradang na sirâ: asin pacabendicioni, pigbótan nia na ipamugtac ini man sa atubang ninda.
8 Nagcaracan gñani, asin nagcabarasog: asin binuruhat si magña natada, na magña peredaso, pitong cararao.
9 Asin sinda igua nin magcaapat na ribo: asin pigparalacao sinda.
10 Asin naglaóg tolos sa sacayán caiba an saiyang magña discipulo, napadigdi sa magña lugar nin Dalmanuta.
11 Asin nagruluás an magña Fariseo, asin nagporoón mag. harapot saiya, nagharagad sa saiya nin sarong tandâ nin lagñit, ta gñaning masógtan sia.
12 Asin sia nag-agraguay nin hararom sa saiyang espiritu, na nagsabi: ¿Tádao ta naghahagad ining capagaraquian na ini nin sarong tandâ ? Sa catotoohan nagsasabi acó saindo, Na day tatanan nin anoman na tanda ining capagaraquian na ini.
13 Asin binayaan sinda, naglaóg liuat sa sacayán, asin nagbalió sa sarong ibong.
14 Asin nagcariligñao magdarang tinapay; asin day sindang iba can sarong tinapay sa sacayán.
15 Asin si Jesus pigbotan sinda, na nagsabi, Hilignon nindo na magrilicay camó can levadura nin magña Farisco, asin can levadura ni Herodes,
16 Asin na nagpasuruay sa sainda man sana, na nagsarabi, day quitá nin tinapay.
