- 123
18 Asin sia sinabihan sinda, ¿Camó siring man na day nin pag-isip? Day nindo naiisip na an gabos na sa luás na minalaog sa tauo, day sia maoolactan;
19 Huli ta day minalaóg sa saiyang puso, cundi sa saiyang tulac, asin minaluás sa lugar na tago? ini sinasabi huli talinilinig an gabos na magña sira.
20 Asin nagsabi, Idtong sa tauo minaguican, idto an nacacaolaquit sa tauo.
21 Huli ta guican sa laóg nin pusô nin magña tauo, ninaluas an magña maraot na caisipan, an magña pagsarambayan,
22 An magña paghâbon, an magña caimotan, an magña cararâtan, an dayâ, an magña pagsopog, an marigsoc na matá, an magña pagduhagui, an capaabao-abauan, an pagcadaingboot.
23 ining gabos na magña bagay na maraot na ini, salaóg minaguican, asin iyong nacacaolaquit sa tauo.
24 Asin can pageabuhat nia diban, naglacao sia pasiring sa magña sacop nin Tiro asin Sidón. Asin pagcalaóg nia sa sarong harong, pigmamauót nia na minsan si-isay day nin macaisi alagad day mangyayari na sia mahilom.
25 Huli ta pacadagñog dapit sa saiya can sarong babaye, na an saiyang áquing sadang na daraga igua nin sarong espiritung marompot, napadigdi, asin naglohod sa saiyang magña bitis.
26 Asin an babayeng ini Griega, taga Sirofenicia. Asin naquiquimaherac sa saiya na paluason sa saiyang áquing babaye an demonio.
27 Alagad sinabihan nia sia, Pabayaan mo na magcabarasog gñôna an magña áqui: huli ta day nin catanosan na cuaon an tinapay nin magña áqui, asin iholog sa magña ayam na ido.
28 Sia alagad nagsimbag saiya, asin sinabihan sia, Iyo man nangad, Cagurangñan; alagad an magña ayam inan, sa irarom nin cacánan, nagcacaracan nin magña roedog nin magña áqui.
29 Asin sinabihan nia sia, Dahel caining isinabi mo, padumán ca; an demonio lominués na sa saimong áquing babaye.
