110SAN MARCOS 4.
11 Asin sia sinabihan sinda, Sa saindo itinogot an pacamidbid sa hilom can cahadêan nin Dios: alagad sa magña nasa sa luás, pinag-guiguibo sa halimbauâ saná gabos:
12 ta gñaning an paghiling macahiling, asin day mamidbid; asin an pagdagñog macadagñog, asin day masayodan; tibaad pa cun magbaralic sinda, asin an casalan nindá icapagpatanad.
13 Asin sinabihan sinda, ¿Day nindo nasayodan ining halimbaua na ini? ¿papânon dao nindo an pagsayod can gabos na magña halimbaua?
14 An para-tanom nagtatanóm nin tataramon.
15 Asin iyo ini idtong magña na sa harani nin dalan, na duinan natatanóm an tataramon; asin pacadagñog ninda, sa oras na iyan minadatóng si Satanás asin quinucua nia an tataramon na natatanóm-na sa sainda.
16 Asin ini man saná iyó idtong inagna tinanóm dumán sa cagapoán; Sinda, cun nadagñog an tataramon, tolos man saná inaacô ini nindá sa caogmahan;
17 alagad day sindá nin gamót sa sainda man saná, cundí agui saná; asin iyó ini, na cun iguá nin camondoan ó anoman na pagpasaquit dahel can tataramon, sa oras man saná napapaarac sinda.
18 Asin iba man idtong magña tinanóm sa magña catonocan; iyó ini idtong magña nagdadagñog nin tataramon.
19 Alagad an magña pag-igñoha sa quinában, asin an daya nin magňa cayamanan, asin nin magna pagmauót na day nin casaysayan dapit sa ibang bagay, minalaog, nalalamos an tataramon, asin napapasiring na saná na day nagbugña.
20 Asin ini iyó idtong magña tinanom sa dagang marabay; na sindá nádadagñog an tataramon, asin ini inaacô nindá, asin magña nagbubugña, manolonpolô lambang sarô, mang anóm na polô, asin manangatós.
21 Asin sinabihan man sindá, ¿Dinádara digdi dao an saróng ilauan ta ibugtác sa irarom nin caban, ó sa irarom nin higdaan? Day dinádara ta gñaning icabugtác sa candelero?
