48 Asin tolos man saná nagdalagan an sarô sa sainda, cominuá nin sarong esponja, asin binasa ini sa sucâ, asin ibinugtac ini sa sarong cauayan, ipinainom ini saiya.
49 Alagad an magña iba nagsasarabi, Pabayae, kiligñon tą cun padigdi si Elias sa pagligtas saiya,
50 Alagad si Jesús, nagcurahao liuat sa daculang tigñog, itinao an saiyang espiritu.
51 Asin, uya digdi, an tabob nin templo naguisi na nagcadua, magpoon sa itaas sagcod sa ibabâ; asin nataniog an dagâ; asin an magña gapô nagcabaraac;
52 asin an magña lolobgñan nagca-burucasan; asin balaquid na magña hauac nin magña santo na nagcaratorog, nagburuhat;
53 asin pagluas sa magña lolobgñan, sa pagcabuhay liuat nagdirigdi sa ciudad santa, asin napahiling sa magna cadaclán.
54 An capitan gñani, asin an magña cairiba nia sa pagbantay qui Jesús, can mahiling an linog asin an magña bagay na nangyari, nagcataracot nin macuri, na nagsarabi, Totoong gayo na ini iyo an Aqui nin Dios.
55 Asin dudumán balaquid na magña babaye na nagtata- naó, sa harayo, na nagsoronod qui Jesús magpoón sa Galilea, na pinaglilincodan sia:
56 Sa magña babaye dudumán si Maria Magdalena, asin si Maria ina ni Santiago asin ni José, asin an inâ nin magña áqui ni Zebedeo.
57 Asin can pagdatong can hapon, napadigdi an sarong tauong mayaman na taga Arimatea, na gñinagñaranan si José, na ini nani man discipulo ni Jesús:
58 ini napadumán sa atubang ni Pilato, asin binagad an hauac ni Jesús. Dagñan ipinagboot ni Pilato na itao sa saiya.
59 Asin quinua ni José an hauac, pinatos ini nia są sarong tamong na malinig,
60 asin ibinugtac ini sa sarong lolobgñan nia na bâgó, na quinotcot nia sa gapo, asin pinaliguid an sarong gapô na daculâ sa tatá nin lolobgñan, asin naghalê na.
