63
22 Alagad si Jesús sominimbag na sinabihan, Day nindo naiisihan an hinahagad nindo. ¿Mangyayari dao na macainom camú sa copa na iinoman co? asin magcaburuniagan can ibinuniag sa saco? Nagsirimbag, saiya; Mangyayari.
23 Sia nagsabi sainda, Macacainom camó sa catotoohan sa copa co asin can pagbuniag na ibinuniag sa sacó anan na mababuniagan camo; alagad an pacatucao nindo sa too co asin sa uala co, bacong aco an magtatao caini; cundi sa magña pig-aandaan nin sacong Ama.
24 Asin can magcadaragñog ini can sampolô, nagcaarangot tumang sa duang magtugang.
25 Si Jesús gñani inapod sinda sa saiya, na sinabihan: Naiisihan nindo na an magña principe nin magña nacion naghabadê sa sainda, asin an magña halangcao na magña tauo guinagamit sa sainda an capangyarihan.
26 Alagad sa saindo day mangyayari nin siring; condi siisay man na boót mani daculà sa saindo, sia manini oripon nindo;
27 asin si-isay man na boót mangenot sa saindo, sia manini oripon nindo:
28 siring man sana can Aqui nin tauo day napadigdi ta gñaning paglincodan, cundi ta gñaning maglincod, asin ta gñaning itaó an saiyang buhay sa pagtubos sa gabos.
29 Asin can pagharalê sa Jericó, balaquid na magña cadaclán nin tauo nagsoronod saiya.
30 Asin uya digdi na an duang botá, nacatucao sa guilid nin dalan, can niadagñog ninda na si Jesús nag-aagui, nagcururahao, na nagsarabi, Caheracan mo cami, Cagurangnan, Aqui ni David.
31 Asin an cadacian pinagtoroyao sinda ta gñaning day magguirirong. Tará sinda nagcururahao nin macuring gayo: Caheracan mo cami, Cagurangnan, Aqui ni David.
32 Asin ominontoc si Jesús na inapod sinda, asin sinabihan, ¿Anó an boot nindo na guibohon co sa saindo?
