60
21 Nagsabi saiya si Jesús, Cun boot mong magui icang banal, lacao, ipagpabacal mo an gabos mong sadiri, asin itaó mo sa magña duc-hâ, asin magcacaiguá ca nin cayamanan sa lagñit; asin madiá, somonod ca sa sacô.
22 Can madagñog can barobata ining tataramon, naghalê mamondô; huli ta igua niu daculang sadiri sia.
23 Si Jesús gñani sinabihan an saiyang magña discipulo, Sa catotoohan isinasabi co sa saindo na an mayaman magabat na gayo an pacalaog sa cahadêan nin lagñit.
24 Asin nagsasabi acó liuat sa saindo, na maguian pa na an sarong camello macaagui sa matá nin sarong dagom, qui an sarong mayaman maglaog sa cahadêan nin Dios.
25 Can magcadaragñog ini can magña discipulo, nagcatiricbahan nin macuri, na nagsarabi, ¿Si-isay gñani an macacaligtas?
26 Tará si Jesús, itinorohoc sa sainda an matá, na sinabihan sinda, Sa magña tauo, ini day maguiguibo; alagad sa Dios maguiguibo an gabos.
27 Dagñan si Pedro, nagsimbag, na sinabihan sia, Uya. digdi, cami binayaan niamo an gabos, asin nagsonod cami saimo, ano gñani an cacamtan niamo?
28 Asin si Jesús sinabihan sinda, Sa catotoohan isinasabi co sa saindo, na camó na nagsoronod sa saco, sa paglalang na bâgo, con an Aqui nin tauo magtutucao sa tucauan nin saiyang camurauayan, camó man magtuturucao camo sa cagduang tucauan, na hohocoman an cagduang nagña tribu* nin Israel.
29 Asin an siysay man na nagbaya nin magña harong, ú magña tugang na lalaqui, ó magña tugang na babaye, ó amâ, ó inâ, ô agom, ó magña áqui ó magña dagâ, huli sa sacong gñaran, magaaco sia nin labi pang manangatos, sa balang sarô, asin manononod can buhay na daing catapusan.
30 Alagad balaquid an magña nangeenot na mapapahuri, asin magña nasa huri, na mapapaenotan.
* An magña carabagña nin sarong banua, siring can Israel.
