57
25 Asin ta day nin sucat icabayad, an saiyang cagurangnan nagboot na ipagpabacal sia, asin an saiyang agom, asin magña áqui, asin an gabos niang sadiri, asin guibohon na bayad saiya.
26 Caya si oripon, naglaob sa saiyang magña bitis, na naquimaherac saiya, na sominabi, Cagurangnan, pagtioson mo acó, asin babayadan taca can gabos.
27 Dagñan an cagurangnan caidtong oripon, naherac sa saiya, pinabutasan sia, asin pinatauad sia can utang. 28 Tará can paghalé caidtong oripon na idto, nasabatan nia an sarô nin saiyang magña capuá-oripon na nagcacautang saiya nin sangatos na denario;* asin quinaptan sia, pinagtooc sia, na sominabi, Bayadan mo an utang mo sa sacô.
29 Cayà an saiyang capuá-oripon naglohod sa saiyang magña bitis, naquimaherac saiya, na nagsabi, Pagtioson mo acó asin babayadan taca.
30 Tará sia habô; cundi napadumán asın ipinabilangô sia, sagcod na macabayad sia can utang.
31 Can mahiling gñani can saiyang magña capuá-oripon an nangyayari, nagcamorondô nin macuri, asin nagduranian, isinaysay ninda sa saiyang cagurangnan an gabos na nang- yari.
32 Dagñan inapod sia can saiyang cagurangnan, na sinabi- han sia, Öripon na masiuaua, pinatauad co saimo idtong gabos na utang, mo buli ta naquimaherac ca sa sacó:
33 tará day mo dao gagamiton an pagcaherac na iyan sa saimong capuá-oripon, siring man sana can sacong pagcaherac sa saimo?
34 Asin sa daculang pagcaangot can saiyang cagurangnan, itinaó sia sa magña parapadusa, sagcod na macabayad sia can gabos na utang.
35 Siring man guiguibohon saindo can sacong Amâ na nasa lagñit, cun sa saindong magña puso day nindo ipagpatauad balang saró sa saiyang tugang an magña caculagñan.
- May tolong polo may tolong pisos, an sangatos na denario.
