53
10 Asin an magña discipulo nagharapot saiya, na nagsarabi, Tádao gñani ta nagsasarabi an magña escriba na madigdi gñôna na enot si Elias?
11 Asin sia nagsimbag na sominabi, Si Elias sa catotochan madigdi asin ibabalic an gabos sa cadatihan.
12 Tará acó nagsasabi sa saindo na napadigdi na si Elias, asin day sia namidbid ninda; atâ gñani pigguiribohan sia can gabos na nasaboot ninda. Siring man an Aqui nin tauo papasaquitan ninda.
13 Dagñan an magña discipulo nacasabot na pigtataraman sinda dapit qui Juan na Bautista.
14 Asin pagdaratong ninda sa cadaclán, nagdoloc sa saiya an sarong lalaqui, na lominohod saiya, asin nagsabi,
15 Cagurangnan, naherac ca sa sacong áquing lalaqui, huli ta ribong, asin nagtitios in macuri; tará parati na nacacasugbá sa calayo, asin parati sa tubig :
16 asin dinará co sia sa saimong magña discipulo; tará day sia napaomayan ninda.
17 Si Jesús sominimbag, na sinabihan, Oh capagaraquian na daing pagtubod asin biricó ¿sagcod noarin mag-oontoc aco sa cairiba nindo? ¿sagcod noarin pagtitioson ta camo? Darahon nindo sia digdi sa sacó.
18 Asin si Jesús tinuyaó idto, asin lominuas an demonio sa saiya; asin an barobatâ naomayan magpoon can oras na yan.
19 Dagñan nagdoroloc an magña discipulo qui Jesús na nasa harayo, nagsarabi, Tádao ta day mi sia napaluas?
20 Asin sia sinabihan sinda, Dahel sa cadiquít nindong pagtubod; tará sa catotoohan sinasabihan co camo, na cun magcaigua camo nin pagtubod na siring sa sarong pisog lamang nin mostaza, masasabihan cutá nindo ining buquid, Bomalió ca magpoon digdi sagcod duman, asin mababalió; asin day cutânang anoman na day nindo maguiguíbo,
21 Tará ining capagaraquian na ini day minaluas cundi sa cabagsican nin pamibi asin ayuno.
