51
18 Asin isinasabi co man sa saimo, na ica iyo si Pedro, asin sa ibabao can gapong ini papatindogon co an sacong simba- han; asin an magña tatá nin infierno day macacadaog sa pagtumang saiya.
19 Sa saimo itatao co an magña llave nin lagñit; asin idtong gaposon mo sa ibabao can daga, gagaposon sa lagñit; asin idtong hubadan mo sa ibabao can daga, huhubadan sa lagñit.
20 Dagñan nagboot sa saiyang magña discipulo na day sabihon sa qui-isay man na sia iyo an Cristo.
21 Magpoon can panahon na idto nagpoón si Jesús magpa- hayag sa saiyang magña discipulo na caipuhan saiya na padu- man sa Jerusalem, asin magtios nin balaquid na magña bagay sa magña magurang, asin sa magña poón nin magña sacerdote, asin sa magña escriba, asin na gadanon, asin na mabuhay liuat sa icatlong aldao.
22 Asin si Pedro, dinará sia sa harayo, nagpoon pagtuyauon sia, na sominabi, Cagurangnan, maherac ca sa saimo; noarin man day ini mangyayari sa saimo.
23 Tará sia, pagligñoy, sinabihan si Pedro, Bomolag ca sa matá co, Satanás, icá nacacaolang sa sacó: huli ta day mo nasasabotan an magña bagay na manonogñod sa Dios, cundi an manonogñod sa magña tauo.
24 Dagñan sinabihan ni Jesús an saiyang magña discipulo cun si-isay an boot maglacao sa hurihan co, magpainda sa saiya man sana, asin cuaon an saiyang crúz, asin somonod sa saco.
25 Tará an boot magligtas can saiyang buhay, mauauarà an buhay; asin an madaihan can saiyang buhay dahel sa sacô, ini an macacácua can buhay.
26 Huli ta anó an papaquinabagñon can tauo cun macam- tan an bilog na quinâban, asin mapa-hamac an saiyang calag? ¿ó anong itataong balos can tauo dahel nin saiyang calag?
27 Huli ta an Aqui nin tauo mapadigdi sa camurauayan nin saiyang Ama caiba an saiyang magña ángeles; asin dagñan tatauan an balang sarô nin cabagay can saiyang magña guibo.
