49
33 Alagad an saiyang magña discipulo nagñagsarabi saiya, ¿Saen quitá macacácua digdi sa sarong patag nin dacol na magña tinapay na ipabusog ta sa balaquidon na tauo?
34 Asin si Jesús nagsabi sainda, Pirang magña tinapay igua camo? Sinda nagsarabi, Pitó, asin diit na magña saradang na sira.
35 Asin pigbòtan an magña tauo na magturucao sa ibabao can dagâ.
36 Asin quinua nia an pitong tinapay asin an magña sirá, nagpasalamat, asin pigbaragñâ idtó, asin itinao sa magñadiscipulo, asin an magña discipulo sa magña cadaclan.
37 Asin nagcaracan si gabos, asin nagcabarasog: asin binuruhat an magña peredazong natada, pitong cararao na parano.
38 Asin an magna nagcaracan may apat na ribong lalaqui, day pa cabilang an magña babaye asin magña áquí.
39 Asin paca pahalea can magña tauo, naglaog sa sacayán, asin napaduman sa magña nasasacopan nin Magdalá.
1 Asin nin si nagdaratong an magña Fariseo asin magña Saduceo, sa pagtocsó saiya, naquimaherac sinda saiya, na pahayagan sinda nin tanda na guican sa lagñit.
2 Alagad sia sominimbag na sinabihan sinda, Cun hapon nagsasarabi camo, Magcacaigua nin marahay na panahon; huli ta an lagñit may magña mapulá.
3 Asin sa pagcaaga; gñunian mag-cacaigua nin bagaió; huli ta an lagñit mapulá asin madampog. Tataó gñani camong magmidbid dapit can lauog nin lagñit, ¿asin day nindo maguiguibo ini dapit sa magña tanda nin magña panahon?
4 Sarong capagaraquian na maraot asin para-ratac sa capagaragoman naghahanap, nin macuri, nin sarong tandâ ; asin day sia tatauan nin anoman na tandâ, cundi an tanda ni Jonás na profeta. Asin binayaan sinda, na hominalê.
