10 Asin can nagontoc camí dumán nin halauíg na aldao, hominilig halê sa Judea an sarong profeta, na gñinagñaranan na si Agabo.'
11 Asin dominoloc iní sa samô, quinuá an hagcos ni Pablo, asin guinapos an saiyang sadiring magña pâa asin magna camót, na sominabi, Ini an sinasabi nin Espíritu Santo; Gagaposon nin siring nin magña judio sa Jerusalem an lalaqui na tagsadiri can hagcos na ini, asin sia itataó ninda sa magña carnót nin magña gentil.
12 Asin can madagñog mi an magña bagay na ini, naquimahera camí sa saiya, asin siring man an magña nasa lugar na idtó, na day sia tumucad sa Jerusalem.
13 Si Pablo, gñani, sominimbag, Anóng guiniguibo nindo ta nagtataragüis camó asín pinasasaquit nindo an pusô? huli ta bacó sanang madali na acong gaposon, cundi gagadanon man acó sa Jerusalem, dahel sa gñaran nin Cagurangnan na si Jesús.
14 Asin huli ta day niamo sia nahatolan day cami nagdagos, na nagsarabi, Guibohon an cabótan nin Cagurangan.
15 Asin pacalihis can magña aldao na ini, hinandâ mi an samong magña balon, nagturucad camí sa Jerusalem.
16 Asin nag-iribá man sa samo magpoón sa Cesarea an ibang magña discipulo, ipinag-iba ninda an sarong discipulo na gñinagñaranan na si Mnasón, na taga Chipre, magurang nang discípulo, na sa saiya camí maquiquisacat.
17 Asin can pagdatong mi sa Jerusalem, an magña tugang inacô camí sa maogmahon.
18 Asin can sominonod na aldao, si Pablo ipinag-iba camí sa paghiling qui Santiago; asin an gabos na magña camaguragñan nagtiripon dumán.
19 Asin can matarátará na nia sinda, isinaysay nia sainda sarô sarò an magña bagay na guinibo nin Dios sa magña gentil dahel sa saiyang catongdan.
20 Asin sinda, can madagñog idtó, pinamurauayan ninda an Dios; asin nagsarabi saiya, Nahihiling mo na, tugang, cun pirang ribo sa magña judio an magña nagturubod; asin sinda gabos magña mainotob sa casogoan;
