25 sinda tinipon nia, cairiba an gabos na para-guibo nin siring na guibo, na nagsabi, Magña cagurangnan, naiisihan nindo na digdi sa hanapbuhay na ini nagyayaman quitá;
26 Asin nahihiling, nindo asin nadadagñog nindo na ini si Pablo bacô saná sa Efeso, cundi sa bilog gñani na palibot nin Asia, an Pablong ini sa magña cahatolan nia ibinobolag an cadaclan nin magña tauo, asin nagsasabi, na bacong magña dios an magña guiniguibo can magña camót.
27 Asin baco sanang madadayhan nin halagá an satong paghanap-buhay, cundi madadayhan man nin halagá an templo nin daculang diosa Diana, asin lalaglagon an cadaculâan caidtong sinasamba nin bilog na Asia asin nin quinábán.
28 Asin can madagñog ninda iní, nagcaparano nin caangotan, asin nagcurahao, sinda, na nagsarabi, Dacula si Diana sa magña tagí Efeso.
29 Asin an ciudad napano nin caribocan; asin nagcasararo saná na nagdaralagan pasiring sa teatro, dinacop ninda si Gayo asin si Aristarco, magña tagá Macedonia, magña cairiba ni Pablo sa pagbaclay.
30 Asin can boot si Pablong lomaog sa banua, day sin tinogotan can magña discipulo.
31 Asin an iba man na magña poón sa Asia, na saiyang magña catood, pinasogoan sia, na naquiquimaherac saiya na day sia padumán sa teatro.
32 An magña iba nagcucurahao nin ibang bagay; huli ta an catiriponan nagcacariboc, asin an cadaclán day nacacaisi cun anó ta sinda nagcacatiripon.
33 Asin dinará ninda si Alejandro sa cadaclán, na itinotoclang sia can magña Judio, Asin si Alejandro nagpasabot can camót na day maguirong sinda ta boót niang tauán nin catanosan an banua.
34 Tará can macaisi sinda na sia judio, an gabos sararo sanang nagcurahao, sa laog nin duang oras, Dacula si Diana sa magña tagá Éfeso.
35 Asin can matapus na an caribocan, an escribano sinabíhan ainda, Magña lalaquing tagá Efeso, si-isay dao sa magña tauo an day nacacaisi na an ciudad nin magña tagá Efeso
