469
bulang hin waray kaluoy, ngan magtikang pagtabako hin
apyan. Diri na tigkadto ha Antipolo ngan diri na tigpamisa: hi Da. Patrocinio, an iya una nga kasuhay ha pagdiyos,
diri tiaw an pagdako han buot nga 'ha singbahan nagkikinaturog na la hamtang nagwawali. Mga sano, ha mga kulupay, kun hasudoy kamo ngadto ha dalan Santo Cristo,
igkikita niyo nga magliliningkuron ha usa nga tindahan hin
insik in usa katawo nga gutiay, madarag, magasa, gangko,
nanlulunod iton mga mata nga daw an pinipiraw, maghugaw iton mga im-im ug mga kulo ngan magkikinita hiton
manlalabay hin baga sugad hin diri nakakakita. Ha pagsisirom hikikit'an niyo nga mabuhat hin himakuri ngan matungkod tipakadto hin usa nga mahugaw nga balay ha pagliko hin usa nga malamiri nga likduan, diin ha igbaw hiton
purtahan mababasa in dagko ug magpula nga kurit: FUMADERO PUBLICO DE ANFION.(1) Asya ini an hi Kapitan Tiyago nga bantugan hadto ug yana waray na ngani nakilala
bisan an sakristan mayor.
Hi Da. Victorina dinmugang hin pagpakakatsila kay labot la han iya mga pakurong ug pagpakaandalusa, nagbatasan hin say hiya magdadara han mga rinda han kabayo nga sangat han kotse ngan hin pagtugon kan D. Tiburcio nga umukoy la. Tungod han kamaarupaop na han iya paniplat, nga amo an tinikangan han magraot nga nagpapangabot, yana nagamit na hin salaming ha mata nga baga nakakadugang pa han iya kabantugan. An doktor waray na tikang hadto, sug'i pagtawag ha pamulong hin masakit; an mga suruguon masukot, ha sakob hin usa kasimana, makakita ha iya nga waray ngipon ug ini, sayod na man an mga bumarasa, tigaman nga may maraot ha sakob han panimalay.
Hi Linares, an uusa la nga nagahom pag-ugop hini nga waray palad, maiha na nga napahuway ha Pako dara hin pagkalibang hin utol ngan han maraot nga pagdara ha iya han iya hipag.
An hayaw nga alperes inmuli ha Espanya tenyente na, kundi tungod ha pagkakomandante, ibinilin an iya hinigugma nga asawa nga tigsul-ot la gihapon hin pranela nga haros diri na mahaasoy kun ano nga tina. An makaluluoy nga Ariadna,(2) han pagsabot nga binabayaan, sugad han nahinabo han babayi nga anak ni Minos, inmatubang man han irinmon ngan han tabako: nainom ngan natabako hin waray kaluoy nga ginkakahadlukan na, diri la han kadarangan'an,
