440
gro linmabay na; kami an mga ezpanyolez nazirin kami: dalagan ngan ayaw tapur han Virgin.(7)
—Su.. su . . . suhi!
—Amo, diri angay dumalagan,
Hi Kapitan Tiyago, nga tubtob ngada hadto waray pa pakakayakan, nagpasipara pagpakiana kan Da. Victorina ngan pinamatian niya hin maupay an baton:
—Kun asya ito, Da. Victoria, natuod ka nga an Birhen.
—Nakanhi kami prezizamente pakighimangraw ha imo mahatungur han Virhen, —nagbaton hin baga tiriguhon, tinutudlok hi Maria Clara; —kinahanglan maghiruhimangraw kita hin negozyo.
An daraga sinmabot nga diri hiya angay mamati; na. miling hin pasasngilanan ngan pinmahirayo, nagpapanga ngapyot dida han mga lingkuran.
An ginkasarabutan dida hini nga ira hiruhimangraw uraura hin kawaray haros ug kadiri sukol han maupay nga ginawian, salit gabay naton diri na la igpahayag. Igo ta na la igsumat nga han pagburublag, ngatanan maglipayon ngan hi Kapitan Tiyago, pagkaunina, magsiring kan Dada Isabel:
—Pagpasabot ha fonda nga buwas may ada liwat panagtawo! Paghingandama hi Maria Clara nga ha sulod hin pira kaadlaw kakaslon hiya.
Hi Dada Isabel kinalasan ngan nagkinita ha iya.
—Makita ka na! Kun maumagad ta na hi Go. Linares, masaka malusad kita ha ngatanan nga uras dida ha palasyo; igkakaawa kita, magkakamamatay hin kaawa!
Ug asya ini an hinpapatungdan nga 'han mga ikawalo an uras ha aga han pagkabuwas puno na liwat hin tawo an balay ni Kapitan Tiyago, an ginkalainan la kay yana kakatsilaan la ngan kainsikan an iya mga kumbidado; an kababayin'an man mga espanyolas la ngan pilipinhon.
Haros ngatanan an aton mga kilala nakadto: hi P. Sibyla, hi P. Salvi ngan hin damo nga mga pransiskano ug dominiko; an tigurang nga tenyente han Guardia Civil, hi Sr. Guevara, labi na yana nga nagmumud-ot; an alperes nga nagpapakahitaas na nga uraura, naniniplat ha bawbaw han iya mga sugbong, nakakahunahuna nga usa hiya nga D. Juan de Austria; yana tenyente na hiya ngan tungod ha pagkakomandante; hi De Espadana nga nahadlok ug natatahod pagsiplat han alperes ngan naglilikay han iya paniplat
