436
—Asya na, tinago nga karat’an! Amo na an akon giniiluluwas, — nagsiring an magasa.
—'Ako asya man,— sinmumpay in usa liwat, inmagaw ha iya hin pulong; —iton asawa ni Kapitan Tinong uraura kakuripot... ha aton waray pa padul-ong hin bisan ano la, ito nga nanhingadto kita ha ira balay. Ta, kun in usa nga kuripot nabul-iw hin hatag nga yuyukuton kapisos. . .
—Kundi, tuod ito?— nagpakiana an kimay.
—Tuod gud ngan waray ruhaduha! Asya ito an sumat ha akon patod hiton mangarasawa ha iya nga kasugbong ni S. E. Ngan natatahap ngani ako nga asya an singsing nga ginamit han magurang hadton pagpatron. Kanunay ito nga ginbubug-atan hin mga brilyante!
—Usa nga naglilinakat nga eskaparate.
—Usa nga paagi pagkabig hin lalaki, asya na gihapon! Sano palit hin tawutawo, kun usa man nga tindahan . . .
An kimay linmakat didto han hurungko, pinmasangil la hin bisan ano.
Ngan mga duha kauras tikang hadto, han nangangaturog na ngatanan, damo nga taga Tondo in kinmarawat hin pangabiabi ngan kinuha hin mga sundalo . . . An punuan diri natugot nga an may mga katigayunan ug may mga kadungganan mangaturog ha mga balay nga waray karig-unan ug diri kaupay sinusulod hin hangin: Ha Fuerza Santiago((32) ug iba pa nga mga balay han Gobyerno amo in maupay katurugan hin tuok ug waray pagkahukaw. Dida hini nga mga tawo nga dinangat hin kapalaran upod an makaluluoy nga Kapitan Tinong.
Hi Kapitan Tiyago nalilipay. Ha sakob hini nga pagkarigudigo waray may nalibang ha iya: waray hiya pagdakpa, waray hiya laina, waray pagsuknaha, pagpaagii hin elektrisidad, pagpahurumi (hin tubig ha mga bodega ha ilarom hin tuna ngan iba pa nga mga raugdaog nga hinaraan hin mga tawo nga nagpipinasabot nga hira mga anad han pamatasan ha kauswagan. An iya kasangkayan, karuyag sidngon, an iya hadto kasangkayan (kay iya iginlirong an ngatanan niya nga pilipinhon nga sangkay tikang panagta-
