428
tan an Hermann nga parapanluto ngan an Procurador... Gaudeamos ha sulod hin tulo kaadlaw!
—Amen! Amen! Mabuhi si Salvi! Mabuhi!
Ha lain nga kombento iba man an hiruhimangraw.
—Inabat mo na? Dida ito pagtuon ha mga Jesuitas,ha Ateneo dida guguwa an mga pilibustero!—nasiring in usa nga prayle.
—Ngan an naaway han kapadian.
—Nasiring pa ako: an mga Jesuitas asya in nakakadarahig hin karat’an hini nga tuna, nakakagtutdo hin maraot han mga batan’on; kundi ginpapabay’an la kay nakakagbarubadlis ha usa nga papel kun may linog. . .
—An Dios la in maaram kun inuunano nira!
—Oo, ngan sarihi pagtipa! Kun nalinog, ngatanan nababay-og, hino in makakahimo pagbagisbagis?(3) Ambot, hi P. Secchi(4). . .
Ngan dagos panhihikatawa hin pakatamay.
—Kundi, kun nagmamadlos? Ngan an mga bagyo?(5)
—napakiana in usa nga nasuson liwat; —diri ito diyosnon nga hibaro?
—Bisan hino hito nga parapangawil maaram!
—Kun an usa nga namumunuan usa nga lurong. . . Sumati ako kun nauunano iton imo ulo ngan pag-aasuyan ta ikaw kun tipaunano iton imo tiill Kundi, kitaa la niyo kun diri ba an magsarangkay maggipautang-utang hin kaburut’on: an mga pabayagan haros nangangaro nga himuon nga obispo hi P. Salvi.
—Ngan bangin gad la man gud! Diri ito matangdo!
—Natuod ka?
—Kay diri? Yana bisan hino nag-oobispo. May usa ko nga kita nga gutiay pa ngani hito an hinpapatungdan, nagtukdo hin mitra: nagsurat hin linangka nga kinatsila ha usa nga basahan, nagpahayag nga an mga indio waray hibabruan nga iba kun diri kapanday la. . . psh! kinadaan nga kabinuangan!
—Matuod! Inin damo nga mga binuhatan nga diri tuon nakakaraot han Tuluuhan! —nakasiring in usa; —kun iton mga mitra mamay-ada mata ngan magpakakita kun ano nga utok an ira hintutungtungan. . .
—Kun an mitra usa la nga butang han Pagkakinaiya, nagyakan in usa hin himuot nga tingog, —Natura abhorret vacuum09. . .
