nabo kun karuyag ta pagsubdon in dako nga pagkatawo, nga say ta la natutundog an iya ikinagugutiay, kun diri lugaring an iya mga kasurusnan, tungod kay diri kita nakakahimo hin lain nga sadang mahimo, kadam'an han namamagsubad say la hintitigamnan an kahigot han iya kurbata an iba an liang han iya bado ug an iba man, nga diri harumamay an kadamo han batunis han iya amerikana ngan saliko.
An magpakahuhulop nga panagna ni Tasyo, an tigurang, baga in napapas ha kadayunan. Asya an siring ha iya ni Ibarra hin usa kaadlw, kundi an mahinulupon nga lagas binmaton:
— Panumduma an mga pulong ni Baltazar:
Hi Baltazar maupay sumiday ngan maupay man liwat manhunahuna,
Ini ug iba pa nga kahigayunan asya an nanhihinabo han kulop ugsa mabuwas an kaadlawan han patron, han waray pa katutunod an adlaw.
Didto ha balay ni Kapitan Tiyago damo man liwat an binubuhat nga dagko nga pangandam. Kilala ta an tagbalay: an iya kadud yaganon hin paghibantog, an Manilan'on niya nga dako nga buot, kinahanglan nga lumupig han mga taga lalawigan. Usa pa liwat kay ano nga karuyag hiya manalastas may iya anak nga hi Maria Clara ngan nakada an iya maurumagad nga asya an iya karuyag nga hinabihan.
Matuod man gud: usa han mga labi kalanong nga pahayagan ha Manila—didto ngatanan lanong, maulit-ukiton nga kalanong bisan kun naglilinangka pagkinatsila—nahanabi ha iya ha siyahan nga paypay nga pinanguluhan hin "Imitadle!" ("ngan didto gintamo hiya hin mga sagdon ngan ginpun'an hin mga pagdayaw. Ginngaranan hiya hin "El ilustrado joven y rico capitalista"; (2) mga duha pa karumbay ha ubos, "el distinguido filantropo", ha sunod nga pundok, "el alumno de Minerva que había ido a la Madre Patria para saludar el genuino suelo de las artes y
