kuman hin tagik ngan ha igbaw binutangan hin papag nga
igo la nga tutukdawan han tawo pagsikpaw han isda.
— Diri ngahaw ako uuyamon hin pangawil dida! — nagsiring hi Sinang nga dako an kalipay.
An ngatanan nagbabantay: may iba nga nagpapakita na nga namamagkiniwa in isda didto ha sikpaw, nga naggigimlat na an ira mga hingbis ug iba pa. Kundi han pagsik paw han batan’on waray may linmukso nga isda.
— Tingali puno, — nagsiring hi Albino hin gutiay nga tingog; — may lima na kaadlaw nga waray ini titibawa.
Binukwat an sikpaw kundi .... hay! waray bisan mausa nga iruisdaay; an tubig nga nanunuro hin dagko ngan naggigimlat dida han silaw han adlaw baga sugad hin nagtitinawa. Usa nga “Aw!” hin paghitingala, hin kaurit ngan hin paghipihawi binati ha ngatanan nga baba.
Liniwatan han batan’on pagsikpaw; amo la gihapon.
— Diri ka maaram! — siniring ni Albino ngan say sumaka ngadto ha igbaw han karitan ngan rabuton dida ha kamot han batan’on an sikpaw. — Yana kikitaon niyo! Andeng, buksi ngadaan an daba!
Kundi hi Albino diri man liwat nasabot; waray la gi- . hapon isda nga dara an sikpaw. Ngatanan nanhikatawa ha iya.
— Ayaw kamo hin aringasa kay nagpapakabati an kaisdaan salit diri napadakop! — sinmiring. —Gusi ada ini nga sikpaw!
Kundi an sikpaw waray kagisian.
— Ako in pasikpawa— sinmiring hi Leon an nobyo ni Iday.
Sinarihan anay niya an kadig-on han tagik, inusisa an sikpaw katima pumakiana: — Sayod gud kamo nga may lima na ini kaadlaw nga waray titibawa?
—Sayod gud kami kaupay! Tibawon ini hini nga urhi hadton bihilya pa han Todos los Santos.
—Kun amo ito, inin danaw may sangod nga maraot, kun diri may isda ko nga hadadara.
Isinalad ni Leon an sikpaw didto ha tubig, kundi inabat dayon in paghipahungat dida han iya nawong. Waray hiya tingol iya anay ginkinita an bukid nga harani ngan igsinari ha salad an sikpaw; katima, waray la niya bubukwata, sumiring hin gutiay la nga tingog:
— May buaya!
