santos . . . —Diri ito asya! Inawa la, ikaw nga sinusugad mo hito pangadi diri mo kinakarawat iton imo pinangangaro. —Ngan ikaw nga sinusugad mo man hito iton imo pa ngadi waray mo man liwat nakukuha hiton imo pagninobena! — nabaton hi Sipa. —Hino?— namarat hi Rufa, binmuhat; —diri pa la maiha nawad'an ako hin pasi, nangadi ako kan San Anto nio, hin-agian ko, nahabaligya ko pa ngani hin mahal, aba! —Asya ka ano? Salit nasiring an imo kaamyaw nga imo kuno iginbaligaya an iya pasi. —Hino? Hin kawaray alo! Ano, sugad ak ha imo . . .! Tinmabag an magturutdo pagtuhay; waray na nahanunumdom han mga amay-namon, say na la naluluwas han mga baba an mga kapasian. —Igo na, igo na! Ayaw kamo pag-araway mahatungod hin usa nga pasi! An mga Santos nga Sinurat naghahatag ha aton hin mga pananglitan: an mga irihis ngan han mga protestantes waray pakiaway han aton Ginoo Hesukristo nga asya in nagpahapil ha dagat han kadam’an nga mga baktin nira, ngan kita nga mga binunyagan, labot la nga mga hermanos kita han Santisimo Rosario, magaaraway pa kita mahatungod la hin usa nga pasi? Maunano ha aton iton aton mga kasibang, an mga Hermanos Ter ceros? Nangukoy ngatanan, nanhipanganga han halarom nga kinaadman han magturutdo ngan nagkahahadlok han isususon ha ira han mga Hermanos Terceros. An magturut do kay hin-ayunan han ira pagsugot pinmalubad han ti ngog ngan mamulong: —Diri maiha ipatatawag kita han padi. Kinahanglan nga sumatan ta kun hino aton han iya pinapapagpilian kakulop: kun hi P. Damaso, o hi P. Martin o an kuwadhu tor. Ambot kun nagpili na an mga Terseros; kinahanglan kita magpili. —An kuwadhutor . . . —sinmumpay hi Juana nga nag-aalang. —Hmm! lton kuwadhutor diri maaram magwali! — pulong ni Sipa; —gabay hi P. Martin. —Hi P. Martin?— nariwa in usa nga diri naayon; —waray tingog, maupay hi P. Damaso. —Ito, ito ngahaw!— nahakalipay hi Rufa. —Hi P.
