amo it0 an iya karuyag, mga butang nga kadaan, mga bato nga kadaan.
Hi Sinang matiawtiaw han duro nga latin han iya amay ngan han an tuman, o maraot nga hinbabaruan han iya asawa.
—Say daw! May mga alahas ko nga kadaan hin duro,— nagsiring hi Simoun, binuksan han punda nga Iona an guruti nga maleta.
Asya in usa nga kaban nga asero nga binaid nga damo an rayandayan nga tumbaga ngan may mga yawihan nga magdig-on ngan salikwaot.
—May mga kolyar ko nga kan Cleopatra, nga lehitimo nga tuod, nga pinanhiagian didto han mga piramides, mga singsing hin mga senadores ug mga pagkatawo ha Roma nga napurot didto han mga guba nga palasyo ha Cartago....
—Tingali amo an iginpadara ni Anibal kahuman han away ha Cannes!— sinmumpay hi Kapitan Basilio hin ungud-ungod ngan nakurog hin kalipay.
An buutan nga tawo, bisan nabasa hin maupay han mahatutungod han mga kadaan nga butang, kay waray man mga museo didto ha Pilipinas, waray pakakita bisan mausa hadto nga mga butang han una nga panahon.
—May ada ko man liwat mga gimamahali nga bitay hin mga dama ha Roma nga pinanhiagian didto ha quinta ni Annio Murcio Papilino ha Pompeya....
Hi Kapitan Basilio napiling han ulo pagpasabot nga sayod hiya hadto ngatanan ngan iniirasan pagkinikitaan hadto nga mga magpakawiwili nga mga kabilin han una nga nga tawo. An kababayin’an namagsiiing nga karuyag man liwat nira manag-arog hin tikang ha Roma, sugad pananglit hin mga kuwintas nga binditado han Papa, mga hiyas nga nakakakuha han mga sala hin waray na kinahanglan magkumpisal ug iba pa.
Han kaukbi han maleta ngan kabuksi han gapas nga nakakatabon, kinita in usa nga kason nga puno hin mga singsing, relikaryo, mga trangka ha buhok, mga bitay nga krus, pakot ug iba pa. An mga brilyante, sakot han iba nga mga bato nga magkalainlain an tina, namamag-inggat ngan nanngingiwakiwa dida han mga bulawan nga bukad nga magkalainlain nga kolor, may
