pagkabihag ni Ginhaupan Tales hin paghatag han iya mga tuna han tawo nga say nangaro, hin waray magutiay nga pag-alang, hin waray bisan pinit nga kaalo. Han pag-uli han tag-iya ngan kasayod han hinabo, han pakakita han iya mga tuna nga nakadto na ha kamot han iya kaaway, adto nga mga tuna nga hinunungan han kinabuhi han iya asawa ngan han iya anak nga daraga; han paghiabuti niya han iya amay nga ngula, na, han iya anak nga nagpasuruguon, lakip in sugo han hukmanan, nga iginpasabot ha iya han tenyente han baryo nga paiwasan an iya balay ngan itubyan hin iba adto ngatanan, ha sakob hin tulo kaadlaw, hi Ginhaupan Tales waray pagyakan bisan usa kapulong, tinmupad kan iya itay paglingkod ngan an +uman nga hintinggan han bug-os nga adlaw.
Han pagkabuwas, ha dako nga paghipausa han baryo, nagsarit pagsaka didto ha balay ni Ginhaupan Tales hi Simoun an alahero nga ginsusunod hin duduha nga suruguon nga ngaduha namamagkagaramo hin mga maleta nga pinundahan hin Iona. Ha butnga han kakablasan, an Ginhaupan waray hingangalimot han maupay nga pamatasan nga pilipinhon salit nagugupong nga waray bisan ano nga sadang ipanagtawo han sumasaka. Kundi hi Simoun may dara nga kaandaman, suruguon ngan balon, ngan an iya la kinahanglan amo an sinasak’an ha adlaw ngan gab-i ngan karuyag niya adto nga balay kay amo an may wada dida ha baryo ngan nakada ha kaulut-ulutan han San Diego ngan Tiani, mga bungto nga iya ginlalauman hin damo nga pumaralit.
Hi Simoun sayod han kahimtangan han mga dalan ngan nagpipinakiana kan Ginhaupan Tales kun an iya rebolber igo na nga ipangangaway nga diri hiya pagtikasan han mga tulisan.
—May mga pusil nga hagrayo in latos!—nagmugo hi Ginhaupan Tales dapit nahamamalanga. —Ini nga rebolber diri kay kulang hin latos,— binmaton hi Simoun ngan pinmusil hin usa nga puno hin bunga nga nakadto ha may duha kagatos kapitad.
