upay ngan itinutungko pa an ulo dida han iya tudlo
tigaman han dako nga pagpainoino, salit hi P.
Camon’a binmaton hin ungud-ungod:
—Tingali, tingali!
—Kay susumaton na man la an aton ginhihiruhimangraw, ngan nasulod gud kita yana han danaw,— namulong hi P. Sibyla; —inin Kapitan tingali damo in hinbabaruan.
Hadto ngahaw an bapor naagi han sulangan ngan an kahaluagan nga nabibitad ha mga paniplat makaruruyag gud man nga tuod. An ngatanan inalpan hin katag-ob. Ha ira atubangan nabubuklad an mahusay nga danaw nga libot hin mga lunghaw nga daplin ngan hin mga bug haw nga bukid, daw gidadakui nga panganinawan nga nalulugpitan hin marko nga esmeralda ug mga sapiro kay basi an langit manganinaw. Ha too nabubuklad an habubuay nga pangpang nga may mga luok ngan magpakaruruyag nga lungib, ngan didto ha hirayo namamarapara an kalahit hin Sungay, ha atubangan, ngadto ha sag-od nabundawog an Makihng, talahuron, pinudngan hin magsilhag nga dampog; ngan ha wala an puro ha Tallin, an Susong Dalaga5 nga may mga pungkay nga bibyuuson nga amo an nakakahatag ha iya han ngaran.
May mahalayahay nga harupoy nga say napakurong han haluag nga kahamisan....
—Sulibangko, Kapitan,— nagsiring hi Ben Zayb nga binmirik.— Maaram ka kun diin dapit hinin danaw kamatay in usa nga sinisiring nga Guevara, Navarra, o Ibarra?
An ngatanan naniplat han Kapitan, hi Simoun la in waray kay linmingiw han ulo ngadto ha iba nga dapit daw may ginbibiruling didto ha pangpang.
—Ay, oo!— nagsiring hi donya Victorina, —diin, Ka pitan? May bilin nga tigaman dida ha bawbaw han tubig?
An buutan nga senyor kinmiro nakadamo, pangilal’an han diri paghiayuni; kundi inmabat han pangaro dida han ngatanan nga matd, salit dinmaop hin pira kapitad ngadto ha dulong ngan maniplat ngadto ha daplin.
—Kitaa niyo, adton aadto,— namulong hin tingog nga an tuman la hinbabatian, katima panginano nga wa ray iba nga tawo ha hirani, —sugad han siring han kabo nga nangulo han paglanat, hi Ibarra, han nakukulong na,
